Ռուսական գեղասահքի նոր աստղը նշել է, թե ինչով է Հայաստանը գերել իրեն (ՖՈՏՈ)

ԵՐԵՎԱՆ, 7 փետրվարի./Նովոստի–Արմենիա/. Ռուսական գեղասահքի նոր աստղը` 14–ամյա Ալեքսանդրա Տրուսովան, պատմել է մի քանի ամիս առաջ հայաստանյան այցից ստացված տպավորությունների մասին։

«Կոմսոմոլսկայա պրավդա–Ռյազան»–ին տված հարցազրույցում գեղասահորդուհին նշել է մի շարք երկրներ, որոնք շատ են դուր եկել իրեն։

«Ճապոնիայում և Հայաստանում ինձ առաջին հերթին գերեցին մարդիկ։ Նրանք առանձնահատուկ են։ Ճապոնիայում շատ են սիրում գեղասահքը, և այդ սերը զգացվում է ամեն ինչում։ Հայաստանում մարդիկ շատ շփվող են, բաց, պատրաստ են օգնել անգամ անծանոթի», – նշել է Տրուսովան։

Նա նաև ավելացրել է, որ այդ երկրներում նա իրեն զգում էր հանգիստ ու հարմարավետ։

«Ես ընդհանրապես շատ եմ սիրում ճամփորդել։ Սիրում եմ այցելել նոր վայրեր։ Յուրաքանչյուր երկիր հետաքրքիր է յուրովի», – նշել է մարզուհին։

Տրուսովան առաջինն է, ով կատարել է շրջադարձով քառակի ցատկ, նա Ռուսաստանի պատանիների մրցաշարի կրկնակի հաղթող է, աշխարհի գործող չեմպիոն։

Պատանի մարզուհուն անվանում են «ռուսական հրթիռ» վճռականության, խիզախության և ձեռք բերածով չբավարարվելու կարողության համար։–0–

View this post on Instagram

A post shared by Sasha Trusova (@avtrusova) on Oct 12, 2018 at 2:41am PDT