ԵՐԵՎԱՆ, 14 փետրվարի./Նովոստի–Արմենիա/. Հայ մեդիափորձագետ, տեղեկատվական անվտանգության փորձագետ Սամվել Մարտիրոսյանը նախազգուշացրել է վարկաբեկիչ վիդեոների հրապարակման սպառնալիքով խարդախության նոր տեսակի մասին, հայտնում է
«Տելեկոմ» պորտալը։
Նրա խոսքով, բազմաթիվ օգտատերեր վերջին ժամանակներում նամակներ է ստանում, որոնցում հաքերները գումար են պահանջում` սպառնալով հրապարակել վարկաբեկիչ տեսանյութեր։
Միաժամանակ, էլեկտրոնային նամակներում հաքերները նշում են, որ գիտեն օգտատիրոջ էլեկտրոնային փոստի գաղտնաբառը, որի օգնությամբ կարողացել են մտնել համակարգ և գործարկել վիրուս, որը գաղտնի տեսագրել է օգտատիրոջը։ Դրանից հետո նրանք սպառնում են հրապարակել օգտատիրոջը վարկաբեկող վիդեոն, եթե նա չվճարի նրանց նշած գումարը։
«Իրականում դա խարդախություն է։ Հունվարի կեսին համացանցում հայտնվեց էլեկտրոնային փոստերի հասցեների և գաղտնաբառերի մեծ բազա, ինչն իրենից ներկայացնում է տարբեր ժամանակ և տարբեր աղբյուրներից հափշտակված տվյալներ։ Այժմ կիբերհանցագործներն այդ ցուցակով նամակներ են ուղարկում, հույս ունենալով, որ դա ինչ–որ մեկի վրա կազդի, մարդիկ կվախենան` տեսնելով իրենց նույնիսկ հին գաղտնաբառը և անպայման կվճարեն չարագործներին»,– ասաց Մարտիրոսյանը։
Загружается новость ...
"Право"
Նրա խոսքով, հազարավոր նամակներն ուղարկվում են ավտոմատ կերպով։Եթե նույնիսկ դրանց արձագանքի մի քանի մարդ, հանցագործները, միևնույն է, կստացվի, որ հասել են իրենց նպատակին։
«Մի թույլ տվեք, որ ձեզ խաբեն, պարզապես նշեք նամակը որպես report spam։ Նույնիսկ եթե նամակում նշված է ձեր գործող գաղտնաբառը, անհրաժեշտ է այն փոխել»,– ասաց Մարտիրոսյանը։ -0-
