Փոխվել է հայազգի պլաստիկ վիրաբույժի խափանման միջոցը, ով Մոսկվայում անցնում է հիվանդին վնասվածքներ հասցնելու գործով (ՖՈՏՈ)
ԵՐԵՎԱՆ, 15 փետրվարի./Նովոստի–Արմենիա/. Փոխվել է հայազգի պլաստիկ վիրաբույժ Գևորգ Ստեփանյանի խափանման միջոցը, որն անցնում է Մոսկվայում հիվանդին վնասվածքներ հասցնելու գործով։
Այս մասին Facebook–յան էջում տեղեկացրել է ՀՀ ԱԺ փոխխոսնակ Ալեն Սիմոնյանը։
«Մեծ ուրախությամբ ձեզ հետ լավ լուրով եմ ուզում կիսվել․ ՌԴ-ում ՀՀ դեսպան Վարդան Տողանյանի և մեր դեսպանատան ջանքերի շնորհիվ, ՀՀ առողջապահության նախարար Arsen Torosyan-ի հետ քիչ առաջ մեզ հաջողվեց հասնել մեր հայրենակից բժիշկ Գեվորգ Ստեփանյանի խափանման միջոցի փոխարիման (ստորագրությամբ չհեռանալու միջոցով)», – նշել է Սիմոնյանը։
Նա շնորհակալություն է բոլոր այն մարդկանց, որոնք սատարել են մեր հայրենակցին:
Ինչպես ավելի վաղ հաղորդել էին ԶԼՄ–ները, ըստ գործի նյութերի, տուժած Կարոլինա Սարգսյանին «Սֆերա» կլինիկայում կատարել են քթի ձևի փոփոխության վիրահատություն, որից հետո նա ընկել է կոմայի մեջ գլխուղեղի ոսկորների կոտրվածքի պատճառով։ Վիրահատության ժամանակ հիվանդի մոտ սկսվել է ուժեղ արյունահոսություն, կլինիկայի աշխատակիցները չեն կարողացել կանգնեցնել արյունահոսությունը և շտապ օգնություն են կանչել, աղջիկը հոսպիտալացվել է, որտեղ նրան գցել են դեղորայքային քնի մեջ։ Քրեական գործով որպես մեղադրյալներ անցնում են նաև «Սֆերա» պլաստիկ վիրաբուժության կլինիկայի տնօրեն Գուլնարա Շախն ու անեսթեզիոլոգ Լև Խիտրինը, որոնց նկատմամբ ընտրվել է տնային կալանք։–0–
