Ինչ է սպասում Հայաստանին Առնետի տարում. աստղաբանը հայտնել է 2020 թ.-ի իր կանխատեսումները (ՎԻԴԵՈ)

ԵՐԵՎԱՆ, 24 հունվարի. /Նովոստի-Արմենիա/. Սպիտակ մետաղական առնետի տարին հնարավորությունների և զաարգացումների տարի կլինի, հիմնականում, քաղաքական բնույթի, հինգշաբթի մամուլի ասուլիսի ժամանակ ասաց աստղաբան և բիոէկզոթերիկ Աննա Հախվերդյանը:

Նա հավելեց, որ զարգանալու է նաև էլեկտրոնիկան , ծանր մետաղագործությունը և զբոսաշրջությունը:

«Մենք տեսնում ենք Յուպիտեր մոլորակի մուտքը Այծեղջյուր համաստեղություն և քանի որ Հայաստանը գտնվում է Այծեղջյուրի ազդեցության տակ, կարող ենք ակնկալել դրական տնտեսական փոփոխություններ»,- ասաց Հախվերդյանը:

Արևմոտք և Արևելք

Աստղաբանը հայտնել է, որ Արևելքում գտնվող երկները լինելու են որոշակի անկումնային վիճակում, իսկ արևմտյան երկրները հակառակը՝ տնտեսական և նոր ծրագրերի զարգացման վիճակում են գտնվելու:

Հախվերդյանն ասաց, որ քանի որ Արցախը ևս արևելյան հատվածում է գտնվում, պետք է զգուշանալ, որովհետև կարող են անկումնային երևույթներ տեղի ունենալ: Նրա կանխագուշակմամբ ամենալարված ամիսը այս տարի կլինի մարտը:

«Ամենալարված ամիսը մենք մարտն ենք նախատեսել, որովհետև այդ ժամանակահատվածը լարված միջանձնային հարաբերությունների է նպաստում, մարդիկ իրար դժվար են հասկանում»,- ասաց նա:

Աշխարհում տիրող իրավիճակի մասին կանխատեսումներ

Հախվերդյանը նշեց, որ մետաղը ռազմական գործողությունների խորհրդանիշն է, քանի որ զենքերի հիմնական բաղադրիչը մետաղն է: Այդ պատճառով այս տարի պետ է ակնկալել որոշակի ռազմական լարվածություն, ինչպիսին եղավ տարվա սկզբին ԱՄՆ-ի և Իրանի միջև:

«Բոլոր գործող հին ձևավորված պետական համակարգերը հայտնվում են ճգնաժամի մեջ, և մենք դա տեսանք հունվար ամսվա ընթացքում»,- նշեց աստղաբանը:

Ըստ նրա՝ նման ճգնաժամ սասվում է նաև ամառվա ընթացքում:

Հախվերդյանը նշեց, որ եթե բարեփոխումներ տեղի չունենան պետական կառավարման, դատական և տնտեսական համակարգերում, ապա 2024-2025 թ.-ին հնարավոր են հեղափոխական բնույթի նոր շարժումներ համաշխարհային մակարդակով:-0-