Հումորիստ Եվգենի Պետրոսյանի 29–ամյա ընկերուհին արդեն կահավորել է փոքրիկների սենյակը

ԵՐԵՎԱՆ, 28 նոյեմբերի. /Նովոստի–Արմենիա/. Օրեր առաջ դատարանն ապահարզան տվեց հումորիստներ Եվգենի Պետրոսյանին և Ելենա Ստեպանենկոյին։ Բայց դատավարությունը չի ավարտվել` դեռ առջևում է գույքի համար վճռորոշ պայքարը, որի արժեքը, որոշ գնահատականներով, կազմում է 1.5 մլն ռուբլի, գրում է «Կոմսոմոլսկայա պրավդա»–ն։

Այս պատմության ամենախորհրդավոր անձը 73–ամյա Պետրոսյանի 29–ամյա օգնական Տատյանա Բրուխունովայի դերն է, ում համարում են որպես աստղային ամուսինների ամուսնալուծության պատճառ։

Պարբերականն արդեն հայտնել է, որ Պետրոսյանի մոտ աշխատելու ընթացքում Տատյանան Մոսկվայի Լեսնայա փողոցում 280 մլն ռուբլի արժողությամբ և Տրուբեցկայա փողոցի «Садовые кварталы» էլիտար բնակհամալիրում անշարժ գույք է ձեռք բերել։

Տրուբեցկայա փողոցի նորակառույց շենքի բնակարանի նորոգումից դատելով` Բրուխունովայի և Պետրոսյանի կյանքում իսկական սենսացիա է հասունանում։

Բանն այն է, որ բնակարանում մանկական սենյակ կա։ Ավելին, այնտեղ դրված է միանգամից երկու մանկական մահճակալ։ Սենյակը հարդարված է ոչ թե վարդագույն, այլ կապույտի երանգներով։ Ամենայն հավանականությամբ, պատվիրատուն, ով, ըստ փաստաթղթերի, Բրուխունովան է, խնդրել է մանկական սենյակը ձևավորել երկվորյակ տղաների համար։ Հնարավոր է, մանկական սենյակին հարող հյուրասենյակը կծառայի որպես դայակի սենյակ։ -0-