ԵՐԵՎԱՆ, 10 դեկտեմբերի. /Նովոստի-Արմենիա/. Variety հայտնի պարբերականի Actors on Actors ավանդական հաղորդաշարի հերթական թողարկման ընթացքում հանդիպել են Ջեյմս Ֆրանկոն և օսկարակիր Դասթին Հոֆմանը: Այդ հաղորդաշարում մի դերասանը հարցազրույց է վերցնում մյուսից:
Այս անգամ Ֆրանկոն հանդես է եկել հարցազրուցավարի դերում, իսկ Հոֆմանը եղել է նրա հյուրը:
Հոլիվուդի աստղը զրույցի ընթացքում խոստովանել է, որ իր ստեղծագործական ոգեշնչման աղբյուրը եղել է հայազգի արձակագիր և դրամատուրգ Վիլյամ Սարոյանը:
«Ես սիրում եմ Վիլյամ Սարոյանին: Ես կարդացել եմ նրա ստեղծագործությունները, երբ 22 տարեկան էի: Մեկ անգամ նրան հարցրել են, թե ինչի համար է նա գրում, և նա պատասխանել է. «որովհետև դա փրկության` իմ ընտրած միակ ուղին է»: Եվ այդ արտահայտությունն ինձ ուղղություն է տվել մերժման միջով անցնելիս տվել երկար տարիներ»,- ասել է Հոֆմանը: -0-