Հայաստանին սպառնո՞ւմ է COVID-19-ի երկրորդ ալիքը. վարակաբանը՝ համավարակի զարգացման հնարավոր տարբերակների մասին. (ՎԻԴԵՈ)
ԵՐԵՎԱՆ, 24 սեպտեմբերի./Նովոստի-Արմենիա/. Կորոնավիորւսի երկրորդ ալիքի մասին խոսելը դեռ վաղ է, այս թվերը միանաշանակ, դեռ չեն կարող խոսել 2-րդ ալիքի մասին, որովհետև երկրուոմ չի գրանցվել վարակման դեպքերի մեծ բարձրացում: Այս մասին «Նովոստի-Արմենիա» գործակալության «Հատուկ կարծիք» հաղորդաշարի շրջանական հայտնել է վարակաբան Արմեն Օհանյանը:
«Երկրորդ ալիքը, եթե դիտարկենք մյուս երկրների օրինակով, մասնավորապես, եվրոպական երկրները, տեսնում ենք, որ մոտ 2-3 ամիս ընդմիջում է եղել, հետո հիվանդացության էական բարձրացցում է եղել: Հիմա որոշակի բարձրացումներ կան, որոնք դժվար է գնահատել, որովհետև թեստավորումների քանակն է բարձրացել»,- նշել է նա:
Վարակաբանն ընդգծել է, որ հիմա նոր դեպքերի թվի ակնհայտ բարձրացում, բայց գնահատելը դժվար է, քանի որ ցուցանիշները կարող են բարձրացած լինել իրականացվող թեստավորումների ֆոնին (մասնավորապես, ուսուցիչների շրջանում թեստավորումները, նաև օդային ռեժիմի բաց լինելը, քանի որ ժամանողները ևս թեստավորվում են):
«Այս բարձրացմանը դեռ դժվար է հստակ գնահատական տալ: Մեզ դեռևս որոշակի ժամանակ է պետք՝ մինչև 1 ամիս, հասկանալու համար սա աճող բարձրացում է, թե այս թվերի վրա կայուն մնալու է»,- նշել է նա:
Նաև Օհանյանի խոսքով, դժվար է կանխագուշակելը, արդյոք երկրորդ ալիքի ժամանակ վարակվածների թիվը կգերազանցի առաջին ալիքի ցուցանիշներին, քանի որ աշխարհում նման փորձ չկա:
Վարակաբանը որպես օրինակ բերել է 1918թ.-ի գրիպի պանդեմիան, երբ երկրորդ ալիքի ժամանակ մեծամասամբ հիվանդանում էին երիտասարդները: Նույնպես բացառված չէ, որ նոր կորոնավիրուսի թիրախը փոխվի. այս պահին հիմնական ռիսկային խումբը տարեց անձինք են և նրանք, ովքեր ուղեկցող հիվանդություններ ունեն, բայց հնարավոր է, որ պանդեմիայի ընթացքում այնպիսի փոփոխություն կրի վիրուսը, որ թիրախավորի նաև երիտասարդներին ու երեխաներին:
Հայաստանում սեպտեմբերի 24-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 48251 դեպք, որոնցից 43266-ն` առողջացած, 945-ը` մահվան ելքով:-0-
