ԵՐԵՎԱՆ, 27 մարտի. /Նովոստի –Արմենիա/. Ռուսաստանի նախագահ Վլադիմիր Պուտինը հրամանագիր է ստորագրել Կեմերովոյի` մարդկային կյանքեր խլած հրդեհի կապակցությամբ մարտի 28-ը սգի օր հայտարարելու վերաբերյալ, հայտնում է ՏԱՍՍ–ը` հղում անելով ՌԴ նախագահի մամուլի ծառայությանը:
Սգի օրը երկրի ամբողջ տարածքում իջեցված կլինեն ՌԴ-ի պետական դրոշները, հեռուստաընկերություններին ու մշակութային հաստատություններին առաջարկվել է չեղարկել այդ օրվա բոլոր ժամանցային միջոցառումներն ու ծրագրերը:
Загружается новость ...
"Право"
Ռուսաստանի Դաշնության կառավարությանը ՌԴ սուբյեկտների պետական իշխանության մարմինների հետ համատեղ հանձնարարվել է համապատասխան միջոցներ ձեռնարկել մահացածների ու տուժածների ընտանիքներին օգնություն տրամադրելու համար։
Մարտի 25-ին Կեմերովոյի «Զիմնյա վիշնյա» առևտրի կենտրոնի չորրորդ հարկում հրդեհ է բռնկվել: Վերջին լուրերի համաձայն, մահացել է 64 մարդ, այդ թվում 41 երեխա, 68 տուժած դիմել է բժշկական օգնության, նրանցից 15-ը հիմա բուժում է ստանում հիվանդանոցներում: Պարզվել է 25 մահացածների ինքնությունները:-0-