Գրասենյակային անհարմարություններ. ինչպես ամռանը խուսափել քրտնարտադրությունից

ԵՐԵՎԱՆ, 20 հուլիսի. /Նովոստի-Արմենիա/. Տարվա շոգ եղանակին առավելապես գրասենյակային աշխատողները տառապում են բարձր քրտնարտադրությունից: Փորձագետները պատմում են, թե ինչպես նվազեցնել քրտնարտադրությունը` չխախտելով դրես-կոդը, այս մասին պատմում է medikforum.ru-ն:

Պակասեցրեք սուրճը: Առհասարակ խուսափեք կոֆեին, նիկոտին պարունակող ըմպելիքները, ինչպես նաև ալկոհոլը: Այս բոլոր բաղադրիչները գրգռում են նյարդային համակարգը` հանգեցնելով ադրենալինի արտազատման: Իսկ դա բարձրացնում է մարմնի ջերմաստիճանը և ստիպում քրտնել:


Օգտագործեք անտիպերսպիրանտներ: Դրանց օգտագործումը հատկապես ալյումինի քլորիդով օգնում է նվազեցնել քրտնարտադրությունը քրտնագեղձերի աշխատանքի արգելափակման հաշվին: Բայց դրանք օգտագործեք ոչ թե առավոտյան, այլ քնելուց առաջ, այդ դեպքում մյուս օրն այդ միջոցներն ավելի արդյունավետ կլինեն:

Ճիշտ ներքնազգեստ: Շատերին թվում է, թե շոգին ամենից լավ է առանց հագուստի քնել: Բայց իրականում պետք է ճիշտ ներքնազգեստ ընտրել` միայն բնական մանրաթելերից, օրինակ, բամբակից: Բանն այն է, որ բամբակը ներծծում է քրտինքը, և արդյունքում մարդուց տհաճ հոտ չի գալիս, մինչդեռ սինթետիկ հագուստը տհաճ հոտ է արձակում մթնոլորտ:

Ավելի շատ ջուր խմեք: Բավականաչափ ջուր խմելն ապահովում է օրգանիզմի խոնավեցման անհրաժեշտ մակարդակը, ինչը նվազեցնում է մարմնի ջերմաստիճանը և կրճատում կրտնարտադրությունը:

Հետևեք սննդակարգին: Սխտոր և սոխ պարունակող սննդամթերքներն ամռանը պետք է կրճատել: Բոլոր սուր, համեմված և ճարպոտ մթերքները նույնպես ցանկալի է սահմանափակել, քանի որ դրանք գրգռում են քրտնագեղձերը և ստիպում մեզ ավելի քրտնել: -0-