Գերմանացիները պատմել են, թե որ երկրների զբոսաշրջիկներն են իրենց վատ դրսևորում հանգստի ժամանակ

ԵՐԵՎԱՆ, 12 հունվարի. /Նովոստի-Արմենիա/. Գերմանիայի քաղաքացիները խոստովանել են, որ հանգստի ժամանակ իրենց ամենից շատ նյարդայնացնում են Ռուսաստանից և Մեծ Բրիտանիայից ժամանած զբոսաշրջիկները: Այդ մասին հայտնել է Welt թերթը` հղում անելով ab-in-den-urlaub.de տուրիստական հարթակի անցկացրած հարցմանը, հայտնում է ՏԱՍՍ-ը:

Ռուսները 12 երկրների քաղաքացիների շրջանում ստացել են վատագույն գնահատականները:

Հարցվողների 60 տոկոսը հայտնել է, որ ՌԴ-ի զբոսաշրջիկները շատ աղմկոտ են, ԳԴՀ քաղաքացիների 56 տոկոսը նշել է, որ իրենց դուր չի գալիս ռուսաստանցի քաղաքացիների տարվածությունը ալկոհոլով հանգստի ժամանակ: Մասնակիցների ևս 38 տոկոսը կարծում է, որ ռուսներն իրենց կոպիտ են պահում, իսկ 24 տոկոսին դուր չի գալիս սելֆի անելու նրանց մոլուցքը:

Բրիտանացիների մոտ գերմանացիներին դուր չի գալիս, նախևառաջ, ալկոհոլի նկատմամբ թուլությունը (58%): Մասնավորապես, ինքնաթիռները հաճախ չծրագրված վայրէջքներ են ստիպված լինում կարատել Միացյալ Թագավորության անսթափ քաղաքացիների պատճառով, գրում է թերթը: Ընդ որում, նշում է պարբերականը, գերմանացիներին, չգիտես ինչու, չեն նյարդայնացնում արբած հայրենակիցների խմբերը, օրինակ, Մալյորկայում:

ԳԴՀ քաղաքացիներին դուր չի գալիս նաև բրիտանացիների սովորությունը ծովափերում և լողավազանների մոտ պառկելաթախտեր զբաղեցնելու սովորությունը (37%): Բայց հարցվածների 69%-ը նշում է, որ իրենց հայրենակիցների այդ նույն սովորությունը նրանց ավելի շատ է նյարդայնացնում: -0-