ԵՐԵՎԱՆ, 9 հունվարի. /Նովոստի-Արմենիա/. Խորհրդարանական ԵԼՔ խմբակցությունը երթ է անցկացնելու թանկացումների դեմ, գրել է խմբակցության ղեկավար Նիկոլ Փաշինյանը Facebook-ի իր էջում:
Պատգամավորի հաղորդմամբ, երթը կկայանա հունվարի 19-ին Երևանում:
Загружается новость ...
"Право"
«Համատարած թանկացումները 2018 թվականի առաջին օրերից ծավալվում են նոր ուժով՝ էլ ավելի սրելով ծայրահեղ ծանր սոցիալական վիճակը։ Հունվարի 19-ին՝ ժամը 17․00-ին, ԵԼՔ դաշինքը բոլորիդ հրավիրում է երթի՝ ընդդեմ թանկացումների։ Երթը կմեկնարկի Մոսկվա կինոթատրոնի հրապարակից (Շառլ Ազնավուրի հրապարակ)։ Ո՛չ թանկացումներին և հարկային բեռի ավելացմանը», - ասվում է գրառման մեջ:
2017-ը նշանավորվեց սպառողական շուկայում որոշ ապրանքների աննախադեպ թանկացմամբ: Սննդամթերքն ու ոչ ալկոհոլային խմիչքները 11 ամսում թանկացել են մոտ 4 տոկոսով, ալկոհոլային խմիչքներն ու ծխախոտը թանկացել են 3 տոկոսով: Նորզելանդական կարագը թանկացել է ռեկորդային՝ 38 տոկոսով: -0-