ԵՐԵՎԱՆ, 25 հուլիսի./Նովոստի–Արմենիա/. Եգիպտոսում Հայաստանի դեսպանությունում «Նովոստի–Արմենիա» գործակալությանը մեկնաբանեց Հուրգադայում մնացած 100 հայ զբոսաշրջիկների հետ կապված իրավիճակը։
Ավելի վաղ Հայաստանի ԱԳՆ–ն հայտնել է, որ Հուրգադա–Երևան ավիաչվերթի չեղարկման պատճառով հինգշաբթի մոտ 100 հայ քաղաքացիներ մնացել են Եգիպտոսում և չեն կարողանում վերադառնալ հայրենիք։
Խոսելով ստեղծված իրավիճակի մասին` Եգիպտոսում Հայաստանի հյուպատոս Ռաֆայել Մովսիսյանը գործակալության թղթակցին ասաց, որ խնդիրն առաջացել է «N&R» հայկական տուրօպերատորի և ավիափոխադրողի միջև ֆինանասական տարաձայնությունների պատճառով։
«Հայկական տուրօպերատորը չի կատարել իր ֆինանսական պարտավորություններն ավիափոխադրողի նկատմամբ, ինչի կապակցությամբ փողադրողը չեղարկել է Երևանի չվերթը»,– պարզաբանեց նա։
Загружается новость ...
"Право"
Հյուպատոսն ասաց, որ դեսպանությունն անում է հնարավորինն իր լիազորությունների շրջանակում, որ հայրենակիցներին վերադարձնի Հայաստան և անհրաժեշտ օգնություն ցուցաբերի։
Նա միաժամանակ ավելացրեց, որ քաղաքացիների վերադարձը հայրենիք չի ներառվում դեսպանության ուղղակի պարտավորությունների մեջ, դիվանագիտական առաքելությունը դրա համար բյուջե չունի։
Մովսիսյանն ընդգծեց, որ առավոտից դեսպանությունը զբաղվում է այդ հարցով և կապ է պահում բոլոր կողմերի հետ` ինչպես Հուրգադայում մնացած քաղաքացիների և նրա հարազատների, այնպես էլ տուրօպերատորի հետ, որը կազմակերպել է ճամփորդությունը դեպի Եգիպտոս։ -0-
