ԱԳՆ–ն նշում է Հուրգադայում մնացած հայ քաղաքացիների վերադարձի հավանական ժամկետները

ԵՐԵՎԱՆ, 26 հուլիսի. /Նովոստի–Արմենիա/. Հայաստանի ԱԳՆ–ն թարմացված տեղեկություն է տրամադրել նախօրեից Հուրգադայում մնացած հայ քաղաքացիների վերաբերյալ։

Նախօրեին հայկական արտաքին քաղաքական գերատեսչությունը հայտնել է, որ հինգշաբթի Հուրգադա–Երևան ավիաչվերթի չեղարկման պատճառով մոտ 100 հայ քաղաքացիներ մնացել են Եգիպտոսում և չեն կարողանում վերադառնալ Հայրենիք։

«Եգիպտոսում ՀՀ դեսպանության կողմից գործադրվում են բոլոր հնարավոր ջանքերը, որպեսզի որքան հնարավոր է շուտ կազմակերպվի մեր քաղաքացիների ապահով վերադարձը Հայրենիք»,– ուրբաթ «Նովոստի–Արմենիա» գործակալությանն ասաց Հայաստանի ԱԳՆ մամուլի խոսնակ Աննա Նաղդալյանը։

Նրա խոսքով, դեսպանության կողմից արդեն իսկ բանակցություններ են տարվում՝ հնարավորությամբ դեպքում վերադարձը կազմակերպել արդեն իսկ այսօր։

Հինգշաբթի Եգիպտոսում Հայաստանի հյուպատոս Ռաֆայել Մովսիսյանը գործակալության թղթակցին ասաց, որ խնդիրն առաջացել է «N&R» հայկական տուրօպերատորի և ավիափոխադրողի միջև ֆինանասական տարաձայնությունների պատճառով։ -0-