Ադրբեջանցի օպերային երգիչը պարզաբանել է հայ երգչուհու հետ մեկ բեմում հանդես գալուց հրաժարվելու լուրերը

ԵՐԵՎԱՆ, 14 հունվարի./Նովոստի–Արմենիա/. Ադրբեջանցի օպերային երգիչ Յուսիֆ Էյվազովը հերքել է համացանցում հայտնված լուրերն այն մասին, թե ինքը իբր հրաժարվել է հանդես գալ փետրվարի 7–ին կայանալիք Դրեզդենի ամենամյա Օպերային Բալի բացման արարողությանը հայ երգչուհու մասնակցության պատճառով։

Այս առիթով Էյվազովը իր Instagram-յան էջում հրապարակել է «Semper Opera Ball»–ի կազմակերպիչների պաշտոնական հայտարարությունը, որում, մասնավորապես, նշվում է, որ իրենք «վճռականորեն մերժում են մեղադրանքը, թե 15–րդ «Semper Opera Ball»–ի բացման արարողությանը երգչուհի Ռուզան Մանթաշյանն ելույթ չի ունենա իր ազգային պատկանելիության պատճառով»։ 

Հաղորդագրության մեջ նույնպես նշվում է, որ «Semper Opera Ball»–ի կազմակերպիչները երբեք պայմանագիր չեն կնքել Ռուզան Մանթաշյանի հետ Դրեզդենի ամենամյա Օպերային Բալի բացման արարողությանը ելույթ ունենալու վերաբերյալ և հերքել ադրբեջանցի երգչի հասցեին ուղղված մեղադրանքները։

Կազմակերպիչներն ենթադրում են, որ, գուցե, տեղի է ունեցել թյուրըմբռնում տիկին Մանթաշյանի մենեջերների կողմից։ 

Ինքը երգիչը գրել է, որ ինքը ադրբեջանցի է և ունի «լիովին հստակ պատկերացում և կարծիք Ադրբեջանի և Հայաստանի միջև ստեղծված իրադրության շուրջ»։ 

Հիշեցնենք, որ այս առիթով նախօրեին իր Facebook–յան էջում գրառում է կատարել օպերային երգչուհի Հասմիկ Պապյանը, մասնավորապես նշելով, որ ազգությամբ ադրբեջանցի, օպերային երգիչ Յուսիֆ Էյվազովը հրաժարվել է փետրվարի 7-ին հանդես գալ Դրեզդենի ամենամյա Օպերային Բալի բացման արարողությանը հայ երգչուհի Ռուզան Մանթաշյանի հետ։–0–

Посмотреть эту публикацию в Instagram

Публикация от Yusif Eyvazov Tenor Official (@yusif_eyvazov_official) 13 Янв 2020 в 11:28 PST