«Ադեկվադ»-ի ղեկավարին մեղադրանք է առաջադրվել Ալեն Սիմոնյանի հետ տեղի ունեցած միջադեպի գործով (ՖՈՏՈ)
ԵՐԵՎԱՆ, 27 հուլիսի․ /Նովոստի-Արմենիա/․ «Ադեկվադ» ընդդիմադիր քաղաքական կուսակցության համահիմնադիր Արթուր Դանիելյանին մեղադրանք է առաջադրվել խուլիգանություն կատարելու համար՝ նրա և Խորհրդարանի փոխնախագահ Ալեն Սիմոնյանի միջև տեղի ունեցած ծեծկռտուքի պատճառով:
Դանիելյանը առաջիններից էր, ով դա հայտնեց իր Facebook-յան էջում:
« Քիչ առաջ ՀՔԾ-ում ինձ մեղադրանք առաջացրեցին և վերցրեցին անձնագիրս, քանի որ որպես խափանման միջոց վերցրել են ստորագրություն չհեռանալու մասին: Ինձ մեղադրանք է առաջադրվել ԻՆՁ վրա հարցակման միջադեպի առթիվ: Միակ մեղադրյալը ես եմ», - գրել է նա Facebook-յան իր էջում:
Նրա փաստաբան Տիգրան Աթանեսյանը նույնպես մեկնաբանել է այս իրավիճակը ՝ հայտարարելով, որ Քննչական մարմինը իրեն և Արթուրին նախազգուշացրել է նախաքննության տվյալների հրապարակման անթույլատրելիության մասին, ու թեպետ դեպքի գրեթե բոլոր հանգամանքները հանրությանը վաղուց հայտնի են։ Այդուհանդերձ փաստաբանը զերծ է նացել մանրամասները հայտնելուց ու մեկնաբանելուց:
Փաստաբանն ընդգծել է, որ եթե մոտակա օրերին ՀՀ գլխավոր դատախազը չդիմի Ազգային ժողովին Ա.Սիմոնյանին անձեռնմխելիությունից զրկելու միջնորդագրով, ապա պետք է եզրահանգել, որ Հայաստանի «ոչ թավշյա» քաղաքացիներին հանցավոր ոտնձգությունների դեպքում չի մնում այլ ելք, քան դիմել համափաչ և իրավաչափ ինքնապաշտպանության։
«Նախաքննության ավարտից հետո խոստանում եմ հանրային դարձնել նաև դեպքի բավականին ուշագրավ տեսանյութը»,- եզրափակել է Աթանեսյանը։
Հատուկ քննչական ծառայության հայտարարությունը
ՀՔԾ-ի մամուլի ծառայությունը հաստատեց Դանիելյանին՝ ՀՀ քրեական օրենսգրքի «Խուլիգանություն» հոդվածով առաջադրված մեղադրանքի մասին տեղեկատվությունը: Հաղորդվում է, որ որպես խափանման միջոց ընտրվել է չհեռանալու մասին ստորագորությունը: ԻՆչպես նաև Հատուկ քննչական ծառայությունում նշեցին, որ այս գործով մեղադրյալ է միայն Դանիելյանը։
Ո՞վ է ու՞մ հարվածել
Ապրիլի 29-ին Երևանում ծեծկռտուք էր տեղի ունեցել ԱԺ փոխնախագահ Ալեն Սիմոնյանի և «Ադեկվադ» ընդդիմադիր քաղաքական կուսակցության համահիմնադիր Արթուր Դանիելյանի միջև:
Ամեն կողմը ներկայացրել է իրադարձությունների իր սեփական տարբերակը։ Ալեն Սիմոնյանն ասել է, որ զբոսնելիս հանդիպել է Արթուր Դանիելյանին երկու «ադեկվատների» հետ։
«Նա սեռական բնույթի հայհոյանք հնչեցրեց, որի հետևանքով, ամենայն հավանականությամբ, իր քիթն է վնասվել, իմն էլ՝ քիմքիս մասը»,- նշել է նա:
Ըստ «Ադեկվադի» համահիմնադիր Կոնստանտին Տեր-Նակալյանի, Դանիելյանը պատահաբար փողոցում հանդիպել է Սիմոնյանին:
«Սիմոնյանը մենակ չէր... Ալեն Սիմոնյանը բարևել է, Արթուրը պատասխանել է, ինչից հետո Սիմոնյանը հարվածել է Արթուրին: Արթուրը եղել է մենակ. նրա հետագա գործողությունները եղել են՝ ելնելով ինքնապաշտպանությունից», - ասել է նա:
Ավելի ուշ Դանիելյանը հաղորդում է ներկայացրել ոստիկանություն՝ Սիմոնյանի կողմից հարձակման ենթարկվելու մասին։
