583.39
6.77
492.85
+30
Եղանակը Երևանում
Հայ

Մոսկվայի դատարանը կալանքի տակ է թողել հայազգի պլաստիկ վիրաբույժին. ՀՀ ԱՆ–ն իրավիճակը պահում է ուշադրության կենտրոնում

20:15
05 Փետրվարի 2019

ԵՐԵՎԱՆ, 5 փետրվարի./Նովոստի–Արմենիա/. Մոսկվայի դատարանը երեքշաբթի կալանքի տակ է թողել ՀՀ քաղաքացի, վիրաբույժ Գևորգ Ստեփանյանին։ Այս մասին ՏԱՍՍ–ին հաղորդել են դատարանից։

Քրեական գործով անցնում են նաև «Սֆերա» պլաստիկ վիրաբուժության կլինիկայի տնօրեն Գուլնարա Շախն ու անեսթեզիոլոգ Լև Խիտրինը, որոնց նկատմամբ ընտրվել է տնային կալանք։

Ի՞նչ է տեղի ունեցել

ՏԱՍՍ–ի հաղորդմամբ, ըստ գործի նյութերի, տուժած Կարոլինա Սարգսյանին «Սֆերա» կլինիկայում կատարել են քթի ձևի փոփոխության վիրահատություն, որից հետո նա ընկել է կոմայի մեջ գլխուղեղի ոսկորների կոտրվածքի պատճառով։

Միաժամանակ, Ռեն–ՏՎ–ն ավելի վաղ հաղորդել էր, որ վիրահատության ժամանակ հիվանդի մոտ սկսվել է ուժեղ արյունահոսություն, կլինիկայի աշխատակիցները չեն կարողացել կանգնեցնել արյունահոսությունը և շտապ օգնություն են կանչել, աղջիկը հոսպիտալացվել է, որտեղ նրան գցել են դեղորայքային քնի մեջ։

«Իմ բարդությունները կապված են անեսթեզիոլոգի և Շախի հետ (կլինիկայի գլխավոր բժիշկը, խմբգր.)։ Ես չգիտեմ, թե նրանք ինչ են ինձ հետ արել, սակայն ինձ հասել են տեղեկություններ, որ նրանք այդ ամենն արել են` ինձ հիվանդասենյակում պահելու համար, որպեսզի ես նրանց գումար վճարեմ։ Ես առաջինը չեմ, ում հետ նրանք նման բան են անում, սակայն իմ դեպքում ոչինչ չստացվեց։ Ես նրանց մոտ եկել եմ լիովին առողջ` անալիզների մեծ փաթեթով, իսկ հայտնվել են վերակենդանացման բաժանմունքում», – նշել է Սարգսյանը։

Մեկը բոլորի համար, և ամեն ինչ` մեկի գլխին

Change.org կայքում մեկնարկել է վիրաբույժին աջակցող արշավ։

«Նախորդ տարվա նոյեմբերին մասնավոր կլինիկայում վիրաբույժ Գևորգ Ստեփանյանի կողմից իրականացված ռինոպլաստիկայից հետո ինչ–որ բան այնպես չգնաց, և հիվանդին փրկեցին քաղաքային հիվանդանոցի վերակենդանացման բաժանմունքում։ Փառք Աստծուն, փրկեցին։ Հարուցվեց քրեական գործ, և մեղադրանք առաջադրվեց երեք անձի` Ստեփանյանին, գլխավոր բժիշկ և կլինիկայի ղեկավար տիկին Շախին ու անեսթեզիոլոգ պարոն Խիտրինին», – նշվում է կայքում։

Խնդրագրի հեղինակներն ընդգծում են այն փաստը, որ գործի երեք դերակատարներից միայն Ստեփանյանն է գտնվում կալանքի տակ։

«Քննությունն ու դատախազությունը հիմնավոր կերպով համոզեցին դատարանին, որ Ստեփանյանը ՌԴ քաղաքացի չէ, չունի մշտական բնակության վայր և աշխատանք Ռուսաստանում և հետևաբար կարող է թաքնվել քննությունից», – նշվում է խնդրագրում։

Նշվում է, որ միևնույն գործով անցնող մեղադրյալներն այսօր ունեն բացարձակ տարբեր առաջնահերթություններ, և նրանք գտնվում են բացարձակապես տարբեր պայմաններում։

«Լինելով բարեկամ երկրի քաղաքացի` Ստեփանյանը կատարել է ՌԴ–ի տարածքում օտարերկրացու գտնվելու հետ կապված օրենքի բոլոր պահանջները», – նշվում է խնդրագրում։

Խնդրագրի հեղինակները կոչ են անում բոլորին աջակցել Ստեփանյանին։ Այս պահին Ստեփանյանին օգտին քվեարկել է 3798 մարդ։

Հայաստանի պաշտոնական արձագանքը

ՀՀ առողջապահության նախարար Արսեն Թորոսյանը երեքշաբթի Facebook–յան իր էջում գրել է, որ դեռ 3 շաբաթ առաջ ծանոթացել է մոսկովյան «Բուտիրյան» բանտում գտնվող ՀՀ քաղաքացի, պլաստիկ վիրաբույժ Գևորգ Ստեփանյանի գործի մանրամասներին։

«Դրանից հետո խոսել եմ Ռուսաստանում մեր դեսպանի և մի շարք այլ գործընկերների հետ։ Մեր դեսպանատունը ինտենսիվորեն աշխատում է ՌԴ իրավապահների հետ, որպեսզի հարցին հանգուցալուծում տրվի և ես հավաստիացնում եմ, որ մեր գործընկերոջ գործը մեր ուշադրության կենտրոնում է», –գրել է Թորոսյանը։–0–

Partners News
Partners News
Ամենակարդացվող
ԱՌԿԱ գործակալություն
Բաժնի այլ նյութեր
19:37
09 Սեպտեմբերի 2021
Ինչպե՞ս տարբերել առողջարար չիրը վնասակարից
Ինչպե՞ս տարբերել առողջարար չիրը վնասակարից
18:25
09 Սեպտեմբերի 2021
Աշնանային դիմակ դեմքի հիանալի տեսքի համար
Հաղորդում ենք անթերի տեսք դեմքի մաշկին. աշնանային դիմակ

14:48
09 Սեպտեմբերի 2021
Գիտնականները պարզել են` պատվաստումից հետո որքա՞ն է նվազում COVID-19–ի նկատմամբ հակամարմինների կոնցենտրացիան
Գիտնականները պարզել են` պատվաստումից հետո որքա՞ն է նվազում COVID-19–ի նկատմամբ հակամարմինների կոնցենտրացիան
10:44
09 Սեպտեմբերի 2021
Վիտամինների աղբյուր. սալորի 5 օգտակար հատկությունները
Սալորն աշնան ամենակարևոր մրգերից է: Այն ազատում է սակավարյունությունից, ամրապնդում ոսկորները, օգնում վերահսկել քաշը
10:05
08 Սեպտեմբերի 2021
Վիտամինների պաշար. աշնան ամենատարածված և օգտակար միրգն ու բանջարեղենը
Վիտամինների պաշար. աշնան ամենատարածված և օգտակար միրգն ու բանջարեղենը
19:37
07 Սեպտեմբերի 2021
«Ժամանակը չի սպասում մինչև մենք ափսոսենք, ո՞վ չի սխալվում». Նազիկ Ավդալյանի նոր լուսանկար է հրապարակել (ՖՈՏՈ)
«Ժամանակը չի սպասում մինչև մենք ափսոսենք, ո՞վ չի սխալվում». Նազիկ Ավդալյանի նոր լուսանկար է հրապարակել.ՖՈՏՈ
10:15
07 Սեպտեմբերի 2021
«Մեր կյանքի իրադարձությունների սխալ մեկնաբանություններն են մեզ դարձնում անհանգիստ». Մանո Գրիգորյան (ՖՈՏՈ)
Դերասանուհի Մանո Գրիգորյանը նոր լուսանկար է հրապարակել Instagram-ի Stories-ում․ՖՈՏՈ
17:37
06 Սեպտեմբերի 2021
Կոճապղպեղի զարմանահրաշ հատկությունները
Կոճապղպեղը շատ մշակույթներում և հատկապես Ասիայում իրավամբ համարվում է բուժիչ բույս։ Ներկայացնում ենք այս բույսի զարմանահրաշ հատկությունները
11:37
06 Սեպտեմբերի 2021
Պահածոյացված միրգ. օգու՞տ, թե՞ վնաս
Աշնանն ու ձմռանը խանութներում դժվար է գտնել թարմ միրգ։ Այդ պատճառով ոմանց մոտ հարց է առաջանում` արդյոք հնարավո՞ր է թարմ միրգը փոխարինել պահածոյացված մրգով
10:33
06 Սեպտեմբերի 2021
9 ամենաօգտակար մթերքը առողջ մաշկ ունենալու համար
Ներկայացնում ենք 9 ամենաօգտակար մթերքը առողջ մաշկ ունենալու համար
10:25
03 Սեպտեմբերի 2021
Առավոտյան սուրճը վտանգավո՞ր է առողջության համար. պարզաբանում են բժիշկները
Բժիշկները պարզաբանում են, թե արդյոք առավոտյան սուրճը վտանգավո՞ր է առողջության համար

15:57
02 Սեպտեմբերի 2021
Սպիտակուցային դիետա. օգուտ և վնաս
Սպիտակուցային դիետա. օգուտ և վնաս