Խնձորը կեղևով ուտելու 6 ծանրակշիռ պատճառ

ԵՐԵՎԱՆ, 5 դեկտեմբերի. /Նովոստի-Արմենիա/. Խնձորը կարող է օգուտ բերել ձեր օրգանիզմին միայն այն դեպքում, եթե ուտեք այն կեղևով:


Խնձորի կեղևը հարուստ է մանրաթելերով, վիտամիններով, պաշտպանում է քաղցկեղից, և դա դեռ ամենը չէ, գրում է fithacker.ru կայքը:

Կեղևը շատ մանրաթելեր ունի

Մեկ խնձորը պարունակում է 4.4 գրամ մանրաթել, բայց առանց կեղևի դրանց թիվը նվազում է մինչև 2.1 գրամ

Կեղևը մեծ թվով վիտամիններ է պարունակում

Ամբողջական խնձորը պարունակում է 8.4 մգ C վիտամին և A վիտամինի 98 միավոր: Կեղևազրկելուց հետո այդ ցուցանիշները նվազում են, համապատասխանաբար, մինչև 6.4 մգ և 61 միավոր:

Խնձորը շատ օգտակար է թոքերի համար

Միացությունը, որը պատասխանատում է շնչառության կարգավորման համար, կոչվում է կվերցետին, և այն գտնվում է խնձորի կեղևում: Հետազոտությունները ցույց են տվել, որ մարդիկ, ովքեր շաբաթվա ընթացքում հինգ և ավելի խնձոր են ուտում, ավելի առողջ թոքեր ունեն կվերցետինի շնորհիվ:

Կվերցետինն օգտակար է նաև հիշողության համար

Այդ հակաօքսիդանտը մեծ դեր է խաղում գլխուղեղի հյուսվածքների վնասվելու դեմ պայքարում, և այդ իսկ պատճառով կարող է նվազեցնել Ալցհայմերի և դեգեներատիվ այլ հիվանդությունների առաջացման ռիսկը:

Խնձորի կեղևը քաղցկեղականխարգելիչ միջոց է

Կեղևում գտնվող տրիտերպենոիդ ընդհանուր անվանումով միացությունները կարող են ճնշել կամ սպանել քաղցկեղի բջիջները: Այդ միացությունները լավագույնս ազդում են լյարդի, հաստ աղու և կրցքագեղձի քաղցկեղի ռիսկի նվազեցման վրա:

Խնձորի կեղևը պայքարում է ճարպակալման դեմ

Խնձորի կեղևը պարունակում է նաև ուրզոլաթթու, որը կարևոր միացություն է ավելորդ քաշի դեմ պայքարում: Այն խթանում է մկանների աճը, բայց այրում է կալորիաները և նվազեցնում ճարպակալման ռիսկը:

Ահա թե ինչու են ասում, որ խնձորն օգտակար է և նպաստում է քաշի կարգավորմանը: Բայց միայն կեղևով ուտելու դեպքում: -0-