ԿԽՄԿ աշխատակիցներն այցելել են Ադրբեջանում գերեվարված հայ կնոջը

ԵՐԵՎԱՆ, 22 հոկտեմբերի./Նովոստի–Արմենիա/. Կարմիր Խաչի Միջազգային Կոմիտեի աշխատակիցներն այցելել են ադրբեջանական գերության մեջ գտնվող Ազնիվ Բաղդասարյանին։

Այս մասին «Նովոստի–Արմենիա» գործակալությանն ասաց ԿԽՄԿ Հայաստանի գրասենյակի հաղորդակցման ծրագրերի ղեկավար Զառա Ամատունին։

Ամատունու խոսքով, սահմանված ընթացակարգերի համաձայն, ԿԽՄԿ աշխատակիցներն այցելել են Բաղդասարյանին, որպեսզի ստուգեն նրա վիճակն ու պահման պայմանները։

Ամատունին հայտնել է, որ Ազնիվին հնարավորություն է ընձեռվել կապվել ընտանիքի անդամների հետ, սակայն տեղեկատվության գաղտնիության կապակցությամբ չի կարող ասել կապ հաստատվել է, թե ոչ։–0–