Կորոնավիրու՞ս, թե՞ գրիպ. ինչպե՞ս տարբերել երկու ինֆեկցիաները
ԵՐԵՎԱՆ, 1 փետրվարի./Նովոստի–Արմենիա/. Գրիպն ու կորոնավիրուսը շատ նման են իրենց ախտանիշներով, սակայն ունեն տարբերություններ։ Ինչպե՞ս տարբերել այդ երկու ինֆեկցիաները, գրում է medikforum.ru–ն։
Ախտանիշներ. թոքերն ախտահանող նոր կորոնավիրուսն իսկապես հեշտ է շփոթել գրիպի հետ։ Ահա ինֆեկցիայի ընդհանուր ախտանիշները.
տենդ
չոր հազ
հևոց
հոգնածություն
Ինչո՞վ է տարբերվում կորոնավիրուսային ինֆեկցիան. հիվանդների մոտ մրսածություն չի գրանցվում, քանի որ վիրուսն ախտահարում է ստորին շնչուղիները;
Ինֆեկցիոն ուղի. գրիպի վիրուսներն ունեն բարձր վիրուլենտություն (ախտածնության մակարդակ)։ Դա նշանակում է, որ անգամ չնչին քանակի դեպքում դրանք կարող են առաջացնել գրիպի դրսևորումներ:
Ինչպե՞ս տարբերել չինական կորոնավիրուսը. ի տարբերություն գրիպի` կորոնավիրուսներն այդքան էլ վարակիչ չեն, մարդկանց մեծ մասի իմունային համակարգը կայուն է վարակի նկատմամբ։
Ինկուբացիա. գրիպն ունի կարճ ինկուբացիոն շրջան` 1–2 օր։ Այդ ընթացքում, անգամ չունենալով հիվանդության նշաններ, գրիպով վարակված մարդն արդեն շատ վարակիչ է և մնում է այդպիսին մեկ շաբաթ։
Ինչո՞վ է տարբերվում կորոնավիրուսը. ինկուբացիոն շրջանը կազմում է 2–14 օր։ Դեռևս պարզ չէ, թե նախքան հիվանդության դրսևորումը որքան երկար են մարդիկ մնում վարակիչ։ Պարզ չէ նաև, թե մարդիկ որքան երկար են մնում վարակիչ առաջին ախտանիշներից ի հայտ գալուց հետո։
