ԵՐԵՎԱՆ, 1 հունվարի./Նովոստի–Արմենիա/. Ամենայն հավանականությամբ, սա աշխարհի ամենաթանկարժեք տոնածառն է. բրիտանացի նկարչուհի Դեբբի Ուինգհեմը (Debbie Wingham) ձեռքով 500 շքեղ զարդ է պատրաստել 5,8-մետրանոց տոնածառի համար, որը տեղադրված է իսպանական Մարբելյա քաղաքի Kempinski Bahia հինգաստղանի հուրանոցում։ Նկարչուհու խոսքով, նա սկզբում խուճապի է մատնվել` գիտակցելով ծառի չափերը։ Այն տեղադրելու համար նույնիսկ վերամբարձ կռունկ են օգտագործել։ Սակայն Ուինգհեմը հաջողությամբ կատարել է աշխատանքը և նշել, որ իր զարդարած եղևնին կգերազանցի աշխարհի ամենաթանկարժեք տոնածառի նախորդ ռեկորդը, հաղորդում է nat-geo.ru–ն։
Այս ստեղծագործության վրա նկարչուհին ծախսել է մոտ մեկ ամիս։ Նա օգտագործել է վինտաժային կաշի, ջրաքիսի մորթի և Bvlgari-ի, Cartier-ի, Van Cleef & Arpels-ի և Chanel-ի թանկարժեք զարդեր։ Տոնածառի վրա նույնիսկ ջայլամի և էմուի ձվեր են կախել։ Ձվերը պատել են ոսկե նրբաթերթերով և ադամանդի փշրանքով։
Բացի շքեղ զարդարված ձվերից, եղևնու վրա փայլում են 3 հազար Swarovski քարեր , շափյուղաներով և ադամանդներով պատված Մարդուկ-ջարդուկի արձանիկներ, ինչպես նաև Cartier-ով զարդարված տոնածառի գնդեր։ Ծառի ճյուղերից նաև կախված են երեք կարատանոց վարդագուն ադամանդ, որը գնահատվում է 2,4 մլն եվրո, օվալաձև կարմիր ալմաստ` մոտ 5 մլն եվրո, ինը երեք կարատանոց սև ադամանդ, որոնց գինը մոտավորապես 532 500 եվրո է։ Սուրբծննդյան եղևնին շուրջօրյա հսկվում է, և դա զարմանալի չէ, քանի որ նրա արժողությունը 14,18 մլն եվրո է։
2010 թվականին Գինեսի ռեկորդների գրքում գրանցված նախորդ ռեկորդը պատկանում է Աբու Դաբիի(ՄԱԷ) Emirates Palace հյուրանոցի եղևնուն, որը գնահատվում էր 11 026 (9,94 եվրո)։ Ծառի վրա կար 181 զարդ, իսկ բարձրությամբ այն երկու անգամ գերազանցում էր հնարավոր ռեկորդակրին` 13,1 մետր։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
