ԵՐԵՎԱՆ, 12 օգոստոսի./Նովոստի–Արմենիա/. Երևանում հասարակական տրանսպորտի հետ կապված խնդիրներն օրեցօր վատթարանում է` երևանցիները ենթադրում են, որ երթուղայինների և ավտոբուսների թիվը նկատելիորեն կրճատվել է: Դրա պատճառով մարդիկ հաճախ ստիպված են երկար սպասել տրանսպորտի ժամանմանը:
«Նովոստի-Արմենիա» գործակալության թղթակիցը փորձում է պարզել պատճառները` զրուցելով մի քանի քաղաքացիների հետ և ստանալով քաղաքապետարանի ներկայացուցիչների մեկնաբանությունը:
Անորակ սպասարկում և խափանումներ
Մասնավորապես, ծայրամասերի բնակիչները դժգոհում են, որ ստիպված են տրանսպորտ սպասել կես ժամ-մի ժամ և մեկ-երկու անգամ փոխել տրանսպորտը` տուն հասնելու համար:
«Մեր ավտոբուսն արդեն մեկ ամիս է` ինչ ժամանակին չի գալիս: Բազմիցս զանգահարել ենք քաղաքապետարան, մեզ պատասխանում են, որ երթուղային ավտոբուսների թիվն աճել է: Չենք հավատում»,- վրդովվում է Ավան համայնքի բնակչուհին:
Աջափնյակում ապրող կինն իր հերթին նշեց աշխատանքային օրվա վերջում տրանսպորտի չափազանց բեռնվածությունը:
«Գրեթե մեկ ժամ տրանսպոտ սպասողների թիվն այնքան է մեծանում, որ արդեն երկու կանգառից ավտոբուսն այնքան է լցվում, որ կանգնել հնարավոր չէ: Էլ չեմ խոսում միկրոավտոբուսների մասին»,- ասաց նա:
Քաղաքի կենտրոնում մարդիկ դժգոհում են ոչ միայն տրանսպորտի անդադար ուշացումներից, այլ նաև ցածրորակ սպասարկումից:
«Բազմաթիվ երթուղայիններում մաշված են նստատեղերը, որոշները նույնիսկ պատռված են: Դռները կոտրված են, հաճախ իրենց իրենց են բացվում ամեն կտրուկ կանգառի ժամանակ»,- ասաց գործակալության զրուցակիցը:
Կոլապսի սպառնալիք
Դժգոհներ կան նաև միկրոավտոբուսների վարորդների թվում: Նրանցից մեկը «Նովոստի-Արմենիա» գործակալության թղթակցին հայտնեց, որ տրանսպորտային միջոցների պակասի պատճառն ավտոպարկի տեխնիկական մաշվածությունն , իսկ տերերը կարծում են, որ նորոգման իմաստ չկա:
«Տրանսպորտային միջոցներից շատերը մասնավոր են, և վազքի համար մուծվում է որոշակի գումար. Քանի որ, ինչպես ասում են, քաղաքապետարանը մտադիր է փակել շատ երթուղիներ, շատ վարորդներ հրաժարվում են դուրս գալ գործի», - ասաց նա:
Ըստ նրա, վերջին մեկ տարվա տարվա ընթացքում հասարակական տրանսպորտի կեսից ավելի վարորդներ թողել են աշխատանքը, և դա սկսնակների ամբողջական բացակայության դեպքում, իսկ արդեն տարեվերջին տրանսպորտային միջոցների քանաքը կարող է կրկնակի կրճատվել:
«Նոր միկրոավտոբուսներ պետք է գնի կամ փոխադրող ընկերությունը, կամ ինքը` վարորդը: Սակայն մասնավորի համար գնումը դառնում է անհեռանկարային. մարդիկ չեն վերցնի ապառիկ, եթե 2-3 տարի հետո քաղաքապետարանը կարող է արգելել երթուղին», - հայտարարեց մյուս վարորդը:
Հիշեցնենք, որ դեռ փետրվարին Երևանի քաղաքապետ Հայկ Մարությանը հայտարարել էր, որ 2020 թ.-ին բազմաթիվ մայրաքաղաքային տրանսպորտային օպերատորներ կբախվեն միկրոավտոբուսների շահագործման լուրջ խնդրի հետ, ինչը վկարող է նոր հարված լինել Երևանի տրանսպորտային ցանցի համար։
Նա խոստովանել է, որ ամեն օր Երևանը սպասարկում է մոտ 900 տրանսպորտային միջոցներ, սակայն ոչ բոլորն են համապատասխանում շահագործման տեխնիկական պահանջներին:
Քաղաքապետարանը խոստանում է
«Նովոստի-Արմենիա» գործակալության հարցմանն ի պատասխան Երևանի քաղաքապետարանից հավաստիացրել են, որ տրանսպորտային խնդիրները բացառապես կապված են վարորդների արձակուրդային շրջանի հետ և կարգավորվեն մինչև օգոստոսի 25-ը:
«Իրավիճակը կփոխվի, երբ բոլոր վարորդները վերադառնան արձակուրդներից: Քաղաքապետարանը մտադիր է ապահովել մայրաղաքաղը տրանսպորտի նույն քանակությամբ, ինչ եղել է մինչև արձակուրդները: Անհրաժեշտության դեպքում կշահագործենք պահուստային միջոցները», - հայտնել են քաղաքապետարանի մամուլի ծառայությունից:
Մեկնաբանելով հասարակական տրանսպորտի վարորդների` գործից մասսայական ազատման հնարավորությունը, քաղաքապետարանից նշել են, որ տեղեկություն չունեն դրա մասին:-0-