Պայքար անպտղության դեմ. պետությունը կաջակցի ընտանիքներին բուժման և արտամարմնային բեղմնավորման հարցում

ԵՐԵՎԱՆ, 8 օգոստոսի. /Նովոստի-Արմենիա/. Հայաստանի կառավարությունը հինգշաբթի նիստում որոշում է ընդունել անպտղության դեմ պայքարի պետական ծրագրի իրականացման վերաբերյալ:

Ինչպես նշեց առողջապահության փոխնախարար Անահիտ Ավանեսյանը, կառավարությունը քննարկել է այս ծրագիրը հուլիսի 11-ին, սակայն շահառուների գրանցման մեխանիզմի հետ կապված խնդիրների պատճառով, որոշվել է հետաձգել այն:

«Հիմա փաստաթուղթը լրացված է, որտեղ սահմանված է վերարտադրողական առողջության պետծրագրի կարգը և շահառուները, ինչի շրջանակում անպտղության դեմ պայքարի ծառայությունները մատուցվում են անվճար կամ արտոնյալ պայմաններով», - ասաց Ավանեսյանը:

Ըստ նրա, ծրագրով սահմանված են անպտղության բուժման համար մատուցվող աջակցության ծավալները, նախատեսված են միջոցներն անվճար բուժման և սպասարկման, արհեստական սերմնավորման կիրառման, արհեստական բեղմնավորման (ԷԿՈ) և որոշ ծառայությունների համար, որոնք կմատուցվեն 50% զեղչով:

Նա նշեց նաև, որ վարչապետի հանձնարարություններին համապատասխան սահմանված է շահառուների հաշվառման նոր կարգ: Մասնավորապես, գրանցումը կիրականացվի միասնական համակարգի միջոցով բոլոր այն դեպքերում, երբ ստուգումների արդյունքներով հայտնաբերվի ԷԿՈ–ի  իրականացման անհրաժեշտությունը, իսկ սպասարկումը կիրականացվի ըստ առաջնահերթության:

Ինչ վերաբերում է տարիքային սահմանափակման (20-35 տարեկան), ապա 35 տարեկանում դիմելու դեպքում շահառուն կպահպանի մինչև 38 տարեկան ծրագրում մասնակցելու իր իրավունքը:

«Գրանցման կարգի փոփոխությունները թույլ կտան բացառել հնարավոր ռիսկերը, ինչպես նաև նախատեսել ավելի կենտրոնացված համակարգ և սպասարկման կարգ», - ասաց Ավանեսյանը;

Փոխնախարարը հայտնեց նաև, որ ըստ հավանական շահառուների անցկացված հաշվարկների 2-3 տարվա ընթացքում լիովին կանցկացվեն հավանական մասնակիցների հետազոտությունները: Ծրագիրը կավարտվի, ինչից հետո այն հնարավոր կլինի տարածել նաև այլ խմբերի վրա:

Ծրագից կկարողանան օգտվել ամուսնական զույգերը, որոնք երկու տարի և ավել անպտղություն ունեցող զույգեր են, երբ ամուսիններից մեկը  զինծառայող է և զինծառայողներին հավասարեցված անձ է: Ծրագրից կկարողանան օգտվել նաև զինվորական ծառայության ընթացքում կամ ավարտից հետո դրա հետ կապված  պատճառական կապով զոհված որդու ծնողը, ընտանեկան նպաստի համակարգում ընդգրված 30.01 և ավելի բարձր անապահովության միավոր ունեցող նպաստառուն կամ զույգերից մեկը, եթե նա հաշմանդամ է, սոցիալական աջակցություն ստացող սահմանամերձ համայնքերում բնակվող զույգերը: Միաժամանակ զույգերը պետք է բավարարեն հետևյալ պայմանները` ամուսիններից մեկը պետք է լինի ՀՀ քաղաքացի, և ամուսնությունը պետք է գրանցված կլինի, կնոջ տարիքը 20-35 տարեկան է (բացառություն. զինվորական ծառայության ընթացքում կամ ավարտից հետո դրա հետ կապված պատճառական կապով զոհված որդու ծնողների դեպքում` կնոջ տարիքը` մինչև 42):