Քիմ Քարդաշյանը մասնավոր խուզարկուների է վարձել ամուսնուն հետևելու համար

ԵՐԵՎԱՆ, 21 դեկտեմբերի. /Նովոստի–Արմենիա/. Ամերիկահայ հեռուստաաստղ Քիմ Քարդաշյանը վարձել է մասնավոր խուզարկուների ամուսնուն` հայտնի ռեփեր Քանյե Ուեսթին հետևելու համար։

Ինչպես գրում է eg.ru–ն, հղում անելով RadarOnline պորտալին, վերջին շրջանում ԶԼՄ–ներում սկսել են ավելի հաճախ հայտնվել տեղեկություններ այն մասին, որ Քիմի ընտանիքում ամեն ինչ այդքան էլ հարթ չէ։ Բազմիցս տարածվել են խոսակցություններ, որ Քարդաշյանն ու նրա ամուսինն ամուսնալուծության եզրին են։

Սկզբնական շրջանակում Քիմն ու Քանյեն անտեսում էին այդ խոսակցությունները, սակայն վերջերս ռեփերը հաստատել է, որ կինն արդեն փորձել է հեռանալ նրանից։ Չնայած տարաձայնություններին, բազմազավակ ծնողները փորձում են խաղաղ ու առանց սկանդալների կարգավորել բոլոր կոնֆլիկտները։ Ընդ որում, Քանյեն հաճախ հայտնվում է տհաճ իրավիճակում աղմկահարույց արտահայտությունների պատճառով։ Արդյունքում, Քիմը վարձել է պրոֆեսիոնալների, ովքեր մշտապես հետևում են ամուսնուն։

«Նրանք հետևում են Քանյեին անգամ այն ժամանակ, երբ նա քնած է Քիմի սենյակի կողքի սենյակում», – նշել է ինսայդերը։–0–