Ինչպե՞ս տարբերել առողջարար չիրը վնասակարից

ԵՐԵՎԱՆ, 31 մարտի. /Նովոստի-Արմենիա/. Իսկական չորամրգերը ոչնչով մշակված չեն և չորացվել են մաքուր օդին: Գոյություն ունի այդպիսի չորացման երկու տարբերակ.

1. Արևի տակ: Այդպես մրգերն ավելի արագ են չորանում, բայց կոշտանում են:

2. Ստվերում: Այս եղանակն ավելի շատ ժամանակ է պահանջում, բայց ավելի որակյալ է: Այն թույլ է տալիս պահպանել մրգերի օգտակար հատկությունների մեծ մասը:


Բնական ճանապարհով չորացրած մրգերը պետք է անպայման մգանան, գրում է fitnessi.ru կայքը: Դրանք տգեղ տեսք ունեն, կնճռոտ են, բայց շատ օգտակար և համեղ:

Ծիրանաչիր

Իսկական ծիրանաչիրը դարչնագույն է և չի փայլում: Ավելի լավ է գնել կորիզով ծիրանաչիրը:

Սալորաչիր

Իսկական սալորաչիրն ամբոջովին անփայլ է և մի փոքր թթու համ ունի: Իսկ ամենալավը կորիզով է: Եթե այն թրջենք, ապա սալորաչրի թրջված մասերը սպիտակում են: Դա նշանակում է, որ այն ճիշտ է չորացվել և չի մշակվել:

Արմավ

Արմավենու պտուղները պետք է գնել առանց շաքարի օշարակի կամ շատ չոր (և այնուհետև թրջել), կամ Կասպիրան տեսակի, որոնք վաճառվում են 500 գրամանոց տուփերով և օշարակ չեն պարունակում:

Չամիչ

Իսկական չամիչը կարող է երկու տեսակի լինել՝ եթե դա սև խաղող է, ապա չամիչը սևակապույտ կլինի, եթե սպիտակ՝ ապա կարմրադարչնագույն: Եվ այն երբեք չպետք է լինի սպիտակադեղնավուն:

Ամենաօգտակարը պոչիկով չամիչն է, որը պահպանում է չորամրգի ամբողջականությունը և վիտամինների մեծ մասը: Մի գնեք շատ մեծ չամիչ, այն, ամենայն հավանականությամբ, մշակվել է հատուկ նյութեվ՝ հիբերելինով: Դա աճի խթանիչ է, որն ավելացնում է չրի չափը 1.5 անգամ:

Թուզ

Թուզը կարող է ավելի բաց գույն ունենալ, դա նորմալ է բաց երանգի տեսակների համար: Եվ վախենալու ոչինչ չկա, եթե վրան սպիտակ շղարշ կա, դա մրգային գլյուկոզան է:

Մեկ ընդհանրություն կա բոլոր չորամրգերի համար՝ եթե դուք դրանք ճզմեք բռունցքի մեջ, ապա դրանք չպետք է կպնեն միմյանց, այլ պետք է չոր և կոշտ մնան:

Եվ որոշ չորամրգերում կարող են միջատներ լինել: Եթե դրանք ձեր գնած չորամրգերի ծավալի 10 տոկոսից պակաս են, ապա դա նորմա է, քանի որ իսկական լինելու ցուցանիշ է: -0-