ԵՐԵՎԱՆ, 15 մարտի. /Նովոստի Արմենիա/. Հայաստանի հանրային հեռուստաընկերությունն ընդունել է, որ «Լավ երեկո» հաղորդման մարտիության թողարկման ընթացքում էթիկայի նորմերը խախտվել են: Այս մասին հեռուստաընկերությունն ասել է «Հայկական ժամանակ»-ի հարցմանն ի պատասխան:
Հաղորդման ընթացքում ցուցադրվել էր Արուս Տիգրանյանի «Աբովյան» ՔԿՀ-ում կին դատապարտյալների հետ արված հումորային հարցազրույցը, սակայն հանրությունը դրա մեջ ոչ թե հումոր, այլ ծաղր էր տեսել:
Загружается новость ... "Лево"
Ինչպես հայտնում է թերթը, սա զայրացրել էր նաև ՀՀ արդարադատության նախարար Դավիթ Հարությունյանին, ով պատրաստվում է լուրջ քննարկում ունենալ հեռուստաընկերության ղեկավարության հետ:
«…Ցավում ենք, որ մեր ստեղծագործական խմբի` առանց ենթատեքստի արած նյութը, հումորային կոնտեքստից վերածվել է նման խնդրի և հասարակության որոշ շրջանակների մոտ դժգոհություն է առաջացրել: Հավատացնում ենք, որ ստեղծագործական խումբը որևէ մեկին վիրավորելու միտում չի ունեցել, իսկ էթիկայի նորմերի խախտման պատճառով, «Լավ երեկո» ժամանցային հաղորդման ստեղծագործական խումբը նկատողություն է ստացել: Տեղեկացնում ենք նաև, որ թողարկումը հանվել է թե Youtube–յան, թե մեր պաշտոնական էջից», - ՀԺ-ին հայտնել են Հանրայինից:
Օրաթերթը նշում է նաև, որ «Լավ երեկո» հեռուստանախագծի հաղորդավար MP-3-ը զարմացած է իրենց մարտիության թողարկման վերաբերյալ եղած բացասական արձագանքներից: Մարդկանց դուր չէր եկել Արուս Տիգրանյանի` «Աբովյան» քրեակատարողական հիմնարկում կին դատապարտյալների հետ արված հարցազրույցը, որում ծաղր էին նկատել դատապարտված կանանց նկատմամբ: Բացի այդ` մարդիկ քննադատել էին հաղորդման հյուր Ավետ Բարսեղյանի վերաբերմունքը մյուս հյուրի` «Միսս Արմենիա 2017» Լիլի Սարգսյանի նկատմամբ: Ըստ նրանց` Բարսեղյանն էլ ծաղրել էր աղջկան:
Բարսեղյանն իր հերթին նշել է, որ նախօրոք տրամադրվում են այն հարցերը, որոնք հնչելու են հաղորդման ընթացքում, սակայն մոնտաժի իրավունքը պատկանում է հաղորդման ստեղծագործական թիմին:–0–
