«Միսս Հայաստան 2017» Լիլի Սարգսյանի մասնակցությամբ հաղորդումը համացանցում բուռն քննարկումների առիթ է դարձել (ՎԻԴԵՈ)

ԵՐԵՎԱՆ, 12 մարտի. /Նովոստի Արմենիա/. Հայաստանի հանրային հեռուստաընկերությամբ հեռարձակվող հայտնի «Լավ երեկո» շոուի հերթական թողարկումը, որին մասնակցել է «Միսս Հայաստան 2017» Լիլի Սարգսյանը, համացանցում բուռն քննարկումների առարկա է դարձել:

Մարտի 9-ի հեռարձակված շոուն նվիրված էր Կանանց միջազգային օրվան` Մարտի 8-ին: Շոուի ընթացքում վարողները` Արամ MP3–ն ու Ավետ Բարսեղյանը, ծաղրել են թագի հետ կապված միջադեպը, որը վերցրել են Սարգսյանի ձեռքից մրցույթի ժամանակ, իսկ հետո վերադարձրել են: Նրանք նաև ծաղրել են աղջկա մտավոր ունակությունները:

Մարդիկ նշում են, որ չնայած աղջկա ցածր մտավոր ունակություններին, նման վերաբերմունքն անթույլատրելի է:

Իսկ ոմանք մեղադրել են Սարգսյանին, որ նա չի կարողացել մի քանի տող տեքստ սովորել հաղորդման համար:

Հայկական ԶԼՄ-ներին տված հարցազրույցում աղջիկը նշել է, որ հումորով է վերաբերվում տեղի ունեցածին, և չի կարծում, որ դա խայտառակություն է:

«Կարծում են` նրանք անազնիվ են գտնվել իմ հանդեպ: Ինձ ասել էին, որ այդ կադրերը կմոնտաժվեն, սակայն նման բան չեն արել», - ասել է Սարգսյանը:-0-