ԵՐԵՎԱՆ, 5 հուլիսի./Նովոստի-Արմենիա/. Չինաստանում Ուհանի վարակաբանության ինստիտուտը պահպանում էր կորոնավիրուսի նմուշները 2012թ.-ից սկսած, հաղորդում է m.gazeta.ru-ն՝ հղում անելով բրիտանական «The Sunday Times» թերթին:
Загружается новость ... "Лево"
Հրատարակությունը, երկու չինացի բժիշկների դիսերտացիային հղում անելով, պնդում է, որ 2012թ.-ին մեկ շաբաթում ծանր թոքաբորբով 6 մարդ է դիմել հիվանդանոց: Ընդ որում, 6-ն էլ աշխատում էին պղնձի լքված մի հանքավայրում՝ մաքրելով այն չղջիկների կղանքից: Պացիենտներն ունեցել են ախտանշաններ, որոնք նման են SARS-CoV-1 կորոնավիրուսի ախտանշաններին, որի բռնկումը գրանցվել է 2000-ականների սկզբին 26 երկրներում:
Ավելի ուշ 3 մարդ մահանում է, իսկ 6-ից 4-ի արյան մեջ հայտնաբերվում է այն ժամանակ անհայտ, բայց SARS-CoV-1 կորոնավիրուսին նման վարակի հակամարմիններ: Չինացի գիտնականները ուսումնասիրել են հանքավայրը և հայտնաբերել մկների կղանքներում մեծաթիվ կորոնավիրուսներ, այդ թվում նոր շտամ, որը նման է SARS-CoV-1-ին:
Վերջին ամիսներին մեծ տարածում է գտել տեսությունն այն մասին, որ նոր վիրուսը արհեստականորեն ստեղծվել է Ուհանի ինստիտուտում և տարածվել լաբորատորիայի կողմից թույլ տրված սխալով: Չինաստանը հերքում է այդ վարկածը:
Չինական իշխանությունները 2019թ.-ի դեկտեմբերի 31-ին հայտարարել են նոր թոքաբորբի բռնկման մասին: Հիվանդության հարուցիչը SARS-CoV-2 նոր տեսակիկորոնավիրուսն էր, որը մարդու մոտ առաջացնում է COVID-19 հիվանդությունը: Ավելի ուշ, մարտի 11-ին ԱՀԿ-ն նոր տեսակի կորոնավիրուսի բռնկումը համավարակ (պանդեմիա) է հայտարարել: Աշխարհում կորոնավիրուսով վարակակիրների թիվը գերազանցում է 11 միլիոբնը, մահացել է ավելի քան կես միլիոն մարդ: -0-
