ԵՐԵՎԱՆ, 2 ապրիլի. /Նովոստի–Արմենիա/. Սարքավորումների արտադրությամբ զբաղվող կորպորացիան և Մոսկվայի ավիացիոն ինստիտուտը նախատեսում են արդեն 2015թ.–ին արհեստական սիրտ ստեղծել, ՌԻԱ Նովոստիին է հայտնել կորպորացիայի բժշկական սարքավորումների մշակման և արտադրության ուղղվածության ղեկավար Ալեքսանդր Կուլիշը։
Նա պարզաբանել է, որ արհեստական սրտի` գոյություն ունեցող օրինակներն իրենցից ներկայացնում են արտաքին սարք, որը թույլ է տալիս օրգանը փոխարինել մինչև սրտի փոխպատվաստումը։ Մշակվող սարքը կկարողանա հիվանդին ապահովել լիարժեք կյանք ապահովել, «ոչ թե մինչև վիրահատություն ապրելու հնարավորություն, այլ` որակյալ կյանք` նոր սրտով»։
«ՄԱԻ–ի հետ համատեղ մենք փորձում ենք գործարկել արհեստական սրտի ստեղծման նախագիծը։ Գոյություն ունի նման մշակման երկու տիպ` արյան մշտական շրջանառությամբ և իմպուլսային շրջանառությամբ։ Ռուսաստանում կան մշտական շրջանառության հետ կապված մշակումներ, նման սրտով հիվանդի կյանքի տևողությունը երկար չէ։ Մենք հիմա խոսում ենք հենց իմպուլսային շրջանառության մասին, որտեղ իրականացվում է մի մեխանիզմ, որն առավելագույնս մոտ է բնականին, երբ սիրտը արյունը մղում է մասնաբաժիններով», – նշել է Կուլիշը։
Նրա խոսքով` Ռուսաստանում նմանատիպ մշակումներ կան, սակայն դրանք չեն տրամաբանական ավարտի չեն հասցվել։ «Մենք ցանկանում ենք աշխատել այդ ուղղությամբ, սակայն հարկավոր է լուծել մեծ թվով «թղթային» հարցեր, հիմա ՄԱԻ–ի հետ միասին դրանով ենք զբաղվում», – պարզաբանել է գործակալության զրուցակիցը։
Կուլիշը նշել է, որ կորպորացիան հույս ունի աշխատանքը սկսել արդեն 2015թ.–ին, միաժամանակ, նրա կարծիքով, հինգ տարվա ընթացքում կարող է հայտնվել կենսատեխնոլոգիա, որը թույլ կտա աճեցնել կենդանի սիրտ, ինչի պատճառով հնարավոր չէ որոշել, թե որքան արդիական կլինի արհեստական սիրտը մշակումների ավարտի պահին։
«Տեխնոլոգիաների զարգացման տեսանկյունից ծախսերն ամեն դեպքում կվերադարձվեն։ Անգամ եթե պարզապես վաճառվեն մարդու օրգանիզմում պոմպի իմպլանտացիայի տեխնոլոգիաները, կափույրի գործունեության և հետադարձ կապի կարգավորման տեխնոլոգիաները, համապատասխան ծրագրային ապահովումը», – համոզված է գործակալության զրուցակիցը։
Նա հիշեցրել է, որ կորպորացիան արդեն մշակում է առաջին ռուսական եռախցիկ կարդիստիմուլյատորը, որը հաջողությամբ անցել է նախնական փորձարկումները և, ըստ ծրագրի, պետք է պատրաստ լինի արդեն տարեվերջին։–0–
