Apple App Store ինտերնետ-խանութում ծրագրերի թիվը գերազանցել է 500 հազարը

App Store ինտերնետ-խանութում, որի օգնությամբ ծրագրեր են տարածվում են Apple-ի շարժական տեխնիկայի համար, ծրագրերի թիվը գերազանցել է 500 հազարը, որոնցից ավելի քան 140 հազարը նախատեսված է iPad պլանշետի համար, Apple-ի մամուլի ասուլիսի ժամանակ հայտարարել է ընկերության փոխնախագահ Սկոտ Ֆորստալը (Scott Forstall):

2008 թ.-ի ամռանը ծառայության գործարկումից հետո App Store-ից օգտվողները ներբեռնել են ծրագրերի ավելի քան 18 միլիարդ պատճեներ: Apple-ը հուլիսին հայտարարել էր 15 միլիարդերորդ ներբեռնման մասին, հաղորդում է «ՌԻԱ Նովոստին»:

App Store ծրագրերի ինտերնետ-խանութը նմանատիպ խոշորագույն սերվիսն է: Սա iPhone սմարթֆոնների, iPad պլանշետային համակարգիչների և iPod touch մուլտիմեդիոն փլեյերների համար ծրագրերի վաճառքի միակ պաշտոնական խողովակն է:-0-