Հայ և ռուս գիտնականները հանատեղ կուսումնասիրեն տիեզերքի մերձերկրյա տարածությունը

Հայաստանի գիտությունների ազգային ակադեմիայի Բյուրականի աստղադիտարանը, «Ռոսկոսմոս» Դաշնային տիեզերական գործակալությունը և Քելդիշի անվան Կիրառական մաթեմատիկայի ինստիտուտը համատեղ կուսումնասիրեն տիեզերքի մերձերկրյա տարածությունը, ուրբաթ մամուլի ասուլիսում հայտարարեց աստղադիտարանի տնօրեն Հայկ Հարությունյանը:

«Համապատասխան համաձայնագիրը ստորագրվել է ռուս քաղաքական գործիչների՝ վերջերս տեղի ունեցած այցի ընթացքում»,- ասաց Հարությունյանը:  

Աստղադիտարանի տնօրենի խոսքերով, երկու երկրների գիտնականները կհետազոտեն մերձերկրյա տարածությունը, գլխավորապես՝ տիեզերեկան «աղբը», ինչպես նաև վտանգավոր աստերոիդները:

«Այդ հետազոտություններն այդքան էլ չեն վերաբերում մեր աստղադիտարանի գործունեությանը, սակայն մենք կզարգանանք այդ ուղղությամբ: Սա այն ուղղություններից է, որը ներդրումների ներհոսք կապահովի»,- նշեց նա:

Հարությունյանն ավելացրեց, որ գիտական աշխատությունները կանցկացվեն Բյուրականի աստղադիտարանի տարածքում:

Բյուրականի աստղաֆիզիկական աստղադիտարանը հիմնադրվել է 1946թ. Արագած լեռան վրա։ Հայկական աստղագիտության բարգավաճման նշանակալի փուլը կապված է հռչակավոր գիտնական, ակադեմիկոս Վիկտոր Համբարձումյանի անվան հետ։ Բյուրականում անցկացվող գիտական ուսումասիրությունները համաշխարհային ճանաչում են ստացել, դրանց հիման վրա ստեղծվել են աստղաֆիզիկայի նոր ուղղություններ։-0-