Հայաստանում սկսվում են միջնադարյան Դին քաղաքի պեղումները, հինգշաբթի լրագրողներին հայտնեց Կալիֆորնիայի համալսարանի պրոֆեսոր Գրիգոր Արեշյանը։
«Դվինի պեղումները գրեթե հարյուրամյա պատմություն ունեն և ընդհատվել են 1994-ին, ֆինանսական միջոցների բացակայության պատճառով»,-ասաց Արեշյանը, հավելելով, որ պեղումների վերսկսումը կարևոր նշանակություն ունի։
Նրա խոսքերով, ընդհուպ մինչև անցած դարավերջ Դվինում կատարվող հնագիտական աշխատանքները նպատակ ունեին լրացնել բացերը հայկական միջնադարյան գրավոր աղբյուրներում։
«Հիմա մենք անցնում ենք նոր փուլի, որով պիտի բնորոշվի 21-րդ դարի հայկական հնագիտությունը։ Այս փուլում մենք պետք է կանգ առնենք այն հարցերի վրա, որոնք կարևոր են համաշխարհային քաղաքակրթության օրինաչափությունների բացահայտման տեսակետից»,-ասաց Արեշյանը։
Նա նշեց, որ պեղումները կարող են լույս սփռել Արևմուտքի և Արևելքի հատման վայրում հայկական քաղաքակրթության ծագման, և հետագա երկու հազարամյակնորում նրա վերափոխման վրա։
Պեղումները կանցկացվեն հայ և ամերիկացի հնագետների միջև կնքված համագործակցության համաձայնագրի հիման վրա։
Դվինը միջնադարյան Հայաստանի մայրաքաղաքն է եղել։ Այն կառուցել է Խոսրով Երկրորդ արքան 335-ին։ Դրանից հետո այստեղ է տեղափոխվել հայ Արշակունի արքաների նստավայրը։
Դվինը նախորդ մայրաքաղաք Արտաշատից դեպի հյուսիս է գտնվում, Մեծամոր գետի ափին, ներկայիս Երևանից 35 կմ. դեպի հարավ։--0—
