Ֆիզիկոսները շրջանցել են Արքիմեդի օրենքը

ԵՐԵՎԱՆ, 10 օգոստոսի. /Նովոստի-Արմենիա/. Ֆրանսիացի ֆիզիկոսները շրջանցել են Արքիմեդի օրենքը` նրանց հաջողվել է անշարժացնել օդի պղպջակը հեղուկում` թույլ չտալով դրան բարձրանալ դեպի մակերևույթ։ Նոր տեխնոլոգիայի մասին հաղորդվում է Applied Physics Letters ամսագրում, հայտնում է Lenta.ru–ն։

Ավելի վաղ ֆիզիկոսների նույն խումբը սովորել էր կառավարել թթվածնի և ջրածնի (էլեկտրոլիզի ժամանակ) պղպջակների առաջացումը։ Պարզվել է, որ մեկ նանոմետրից մինչև մեկ միկրոմետր միջակայքում շառավղով էլեկտրոդի ծայրի պտտման դեպքում և որոշակի ամպլիտուդում ու հոսանքի հաճախականության դեպքում միկրոպղպջակներն առաջանում են նանոէլեկտրոդի շեղբի նույն կետում։

Այնուհետև գիտնականները պարզել են, որ պղպջակի առաջացումից անմիջապես հետո այն կարելի է «սառեցնել»` կտրուկ բարձրացնելով հոսանքի հաճախականությունը։ Իսկ այնուհետև, եթե նույնիսկ շարժես էլեկտրոդը ցանկացած ուղղությամբ, պղպջակը մնում է դրանից վերև։

Սակայն ֆիզիկոսներին ամենից ավելի զարմացրել է այն, որ օբյեկտների թվացյալ կայունության դեպքում մոլեկուլները գտնվել են անդադար շարժման մեջ։ Էլեկտրոդի ծայրին անընդհատ ձևավորվել են ջրածնի և թթվածնի մոլեկուլներ, դրանք էլ հենց մտել են անշարժ պղպջակի մեջ ստորին թաղանթով և դուրս են եկել վերինից։

Միկրոպղպջակների կառավարումը, գիտնականների խոսքով, չափազանց օգտակար կլինի բժշկության համար` այդ օբյեկտները հանդես կգան որպես էքոկոնտրաստային սարքեր և կօգնեն հալեցնել տրոմբները։ -0-