Ինչու՞ է մարդու վրա անբացատրելի ազդեցություն գործում շան հայացքը

ԵՐԵՎԱՆ, 12 դեկտեմբերի. /Նովոստի-Արմենիա/. Նոր ուսումնասիրության համաձայն, երբ շունը նայում է մարդուն, երկուսի օրգանիզմում արտադրվում է օքսիտոցին կամ սիրո հորմոն: Նույն հորմոնն է արտադրվում, այսինքն, համանման գործընթացն է կատարվում, երբ մայրը գրկում է իր նորածին երեխային, գրում է corriere.it իտալական պարբերականը:



Այն պահից, երբ շները տեսողական կոնտակտ չեն օգտագործում այլ շների հետ հարաբերություններ ամրապնդելու համար, գիտնականներին հաջողվել է պարզել, որ շներին հաջողվում է ազդել անմիջապես մարդու սրտի վրա` օգտագործելով այդ տեսողական կոնտակտը մարդու հետ հարաբերություններում:

Օքսիտոցինը տարբեր կերպ է ազդում մարդու օրգանիզմի վրա` հիմնականում այն նվազեցնում է սթրեսը: Իսկ կաթնասունների մոտ այն ծառայում է մայր/որդի կապի ամրապնդման համար: Օրինակ, երբ շան փոքրիկ ձագերի և մոր միջև կապը դեռ ամուր չէ, նրանք ուլտրաձայներ են արձակում, որոնք օքսիտոցին են արտադրում մոր օրգանիզմում, ինչը թույլ է տալիս նրան ավելի հոգատարությամբ վարվել նրանց հետ:



Մարդու պարագայում, ինչպես պարզվում է ուսումնասիրություններից, թե՛ մոր, թե՛ երեխայի օրգանիզմում օքսիտոցինի արտադրության բարձրակետը բաժին է ընկնում կրծքով կերակրելու ժամանակահատվածին, երբ մի քանի ժամ գնումներ կատարելու ընթացքում այդ հորմոնը, կարծես, սնում է երկուսին էլ:

Իսկ, օրինակ, ընտանի շների, ինչպես նաև գայլերի միջև, այնուամենայնիվ, տեսողական կոնտակտը շատ կարևոր է հարաբերություններն ամրապնդելու համար: Գոյություն ունի նաև հիերարխիկ ասպեկտ, երբ, օրինակ, ավելի ազնվացեղ շունը տեսողական կոնտակտ է ստեղծում ավելի «ցածր» ցեղի շների հետ` ապրապնդելու համար իր «բարձր դիրքը»: -0-