Ինչպիսի՞ն կլինի կյանքը Երկրի վրա Մարսի անհետացման դեպքում. գիտնականներ

ԵՐԵՎԱՆ, 27 նոյեմբերի. /Նովոստի-Արմենիա/. ԱՄՆ-ի և ՄԱԷ-ի գիտնականները ներկայացրել են Երկիր մոլորակի կենսապայմանները, եթե Արեգակնային համակարգում չլիներ Մարսը, իսկ Յուպիտերն ավելի մոտ լիներ Երկրին:

Ինչպես հաղորդում է Lenta.ru-ն, հետազոտության տպագրությունը հրապարակվել է arXiv.org կայքում:

Գիտնականները հետևել են Երկրին նմանվող մոլորակի արտակենտրոնության (ձգվածության ցուցանիշ) ուղեծրի փոփոխություններին, որն ամբողջությամբ պատված է ջրով: Առաջին սցենարում, հազար տարում այդ ցուցանիշը կփոխվեր 0-0,066 միջակայքում, իսկ երկրորդի դեպքում (6,5 հազար տարուց ավելի միջակայքում)՝ 0-0,283-ում:

Երկրորդ դեպքում երկրագնդի վրա կդիտվեր ջերմոցային էֆեկտ, և, ամենայն հավանականությամբ, համաշխարհային օվկիանոսը կպահպանվեր այդ մոլորակում մոտ միլիարդ տարի: Գիտնականների աշխատանքը հիմնված է ընդհանուր շրջանառության եռաչափ մոդելի վրա:

Հետազոտության հեղինակները նշում են, որ Մարսի ուղեծրի տատանումների վրա նշանակալի ազդեցություն է ունենում Յուպիտերը, մինչդեռ Երկրի ուղեծրի փոփոխությունները՝ պայմանավորված հսկա մոլորակների գործողություններով, հարթվում են Լուսնի շնորհիվ: -0-