Հայազգի Կարինա Մովսեսյանը` ԵՄ–ի լավագույն երիտասարդ գիտնական

ԵՐԵՎԱՆ, 27 սեպտեմբերի. /Նովոստի Արմենիա/. «Եվրամիության լավագույն երիտասարդ գիտնական» (European Union Contest for Young Scientists) 29–րդ մրցույթի գլխավոր հաղթող է դարձել 18–ամյա Կարինա Մովսեսյանը Կառլովի Վառիից։

Ինչպես գրում է prague-express–ը, նա ավելի վաղ երեք մրցանակ է ստացել Լոս Անջելեսի միջազգային մրցույթում ԴՆԹ մուտացիաների և RAD51 պրոտեինի մասին իր աշխատանքի համար, որը պետք է օգներ քաղցկեղային ուռուցքների բուժման դեմ։ Կարինա Մովսեսյանը հայտնաբերել է մի մեխանիզմ, որը կարող է կանխարգելել ուռուցքի զարգացումը։


Այս տարի մրցույթն անցկացվում է Թալինում, դրան մասնակցում է 120 երիտասարդ գիտնականներ ԵՄ–ից և այլ երկրներից։ Հաղթողները ստանում են 3.500–ից մինչև 7.000 եվրո և ստաժավորման հնարավորություն միջազգային այնպիսի կազմակերպություններում, ինչպիսիք են` Միջազգային տնտեսական գործակալությունը և Միջուկային հետազոտությունների եվրոպական կազմակերպությունը։

Swiss international talent forum մեկ այլ կատեգորիայում հաղթել է 18–ամյա չեխ ուսանող Ալեքսանդր Յանկովը։ -0-