Չինացիները մարդու և կապկի ուղեղով հիբրիդներ են ստեղծել

ԵՐԵՎԱՆ, 13 ապրիլի. /Նովոստի-Արմենիա/. Չինացի գիտնականները ստեղծել են գենետիկորեն փոխակերպված ռեզուս մակակներ` կապիկների գենոմում ներարկելով մարդու MCPH1 գենը, որը մասնակցում է ուղեղի զարգացմանը: Այդ մասին հայտնում է lenta.ru-ն` հղում անելով MedicalXpress-ին:

Տրանսգեն պրիմատներ ստանալը թույլ է տվել գիտնականներին ուսումնասիրել, թե ինչպես է MCPH1 գենն ապահովում կենտրոնական նյարդային համակարգի ձևավորումը: Գենը ներարկվում է ռեզուս մակակների սաղմերի բջիջներում վիրուսային վեկտորների` վնասազերծված վիրուսներից ստացված գենետիկ նյութի մատակարարման գործիքների օգնությամբ: Ծնվել են 15 գենետիկորեն մոդիֆիկացված կապիկներ, սակայն ողջ են մնացել միայն հինգը:

Տրանսգեն մակակների մոտ ուղեղի չափերի` նորմից ավելի աճ չի նկատվել, սակայն նրանք ավելի լավ են անցել հիշողության և պատկերների տարբերակման թեստերը:

Արդյունքները և ինքը` գիտափորձը, քննադատության են արժանացել մյուս գիտնականների կողմից, ովքեր կարծում են, որ ուղեղի զարգացման հետ կապված մարդկային բջիջներ ավելացնելը կապիկների գոնեմում չի համապատասխանում էթիկ նորմերին: -0-