Apple–ը կզրկի iPhone–ը բոլոր բնիներից և կոճակներից

ԵՐԵՎԱՆ, 24 հունիսի. /Նովոստի-Արմենիա/. Apple ընկերությունը դիտարկում է iPhone X–ը լարային լիցքավորման տարբերակից լիովին զրկելու հնարավորությունը, այդ մասին հայտնում է ferra.ru–ն` հղում անելով Bloomberg–ին։

Հոդվածի հեղինակը պատմել է, որ խոսքը iPhone X–ում Lightning բնիկի ամբողջական վերացման մասին է։ Բացի դրանից, ընկերության ինժեներները հույս ունեն հետագայում լիովին ազատվել iPhone–ի վրա առկա արտաքին բնիկներից ու կոճակներից, չնայած, որ այդ գաղափարի իրագործումը կարող է տարիներ պահանջել:

Սակայն մշակողները ստիպված են եղել ազատվել նմանատիպ ծրագրերից, քանի որ անլար լիցքվորումը առայժմ ավելի դանդաղ է աշխատում, քան ավանդական լիցքավորման տեսակը։ Բացի դրանից, անլար լիցքավորիչի ներառումը էականորեն կբարձրացներ սմարթֆոնի գինը։–0–