Վատ քունը կարող է վտանգավոր հիվանդության պատճառ դառնալ
ԵՐԵՎԱՆ, 6 հուլիսի. /Նովոստի-Արմենիա/. Կալիֆոռնիացի գիտնականները հայտնաբերել են, որ 40-60 տարեկանից հետո քնի որակի վատացումը կարող է վկայել վտանգավոր հիվանդությունների առաջացման մասին: Այդ մասին հայտնում է Gazeta.ru-ն` հղում անելով Medicalxpress-ին:
Գիտնականները նշում են, որ վատ քունը կարող է դառնալ ուղեղի մեջ բետա-ամիլոիդային սպիտակուցների կուտակման պատճառ, ինչն իր հերթին նախորդում է Ալցհեյմերի հիվանդությանը:
Սակայն փորձագետները հավելել են, որ այս սպիտակուցի բարձր մակարդակ ունեցող մարդկանց մոտ հաճախ նկատվում են դեմենցիայի ախտանիշներ:
Ամերիկացի գիտնականները հայտարարել են, որ պետք է աշխատել քնի պայմանների բարելավման ուղղությամբ վտանգավոր հիվանդությունների զարգացումը կանխարգելելու համար։
Նրանք նաև կոչ են արել ժամանակին անցնել ախտորոշում և բուժել ապնոեն:-0-
