«The Economic Times». Հայաստանը կարող է դառնալ ՏՏ ոլորտի գլոբալ կենտրոն

ԵՐԵՎԱՆ, 14 մայիսի. /Նոբվոստի-Արմենիա/. Հնդկական «The Economic Times» պարբերականը հրապարակել է հոդված Հայաստանում առաջադեմ տեղեկատվական տեխնոլոգիաների զարգացման մասին:

«Իր հարուստ պատմությունով և խնդրահարույց անցյալով հայտնի Հայաստանը պայքարում է աղքատություն, գործազրկության և ուղեղների արտահոսքի դեմ 1991 թ.-ին Խորհրդային Միության փլուզումից հետո: Սակայն, չնայած տնտեսության լճացմանը, վերջին տասնամյակում Հայաստանում զարգանում է տեխնոլոգիական ոլորտը», - գրում է պարբերականը:

Ըստ հոդվածի հեղինակի, դա հույս է տալիս, որ սահմանափակ պաշարներով երկիրը կարող է դառնալ տեղեկատվական տեխնոլոգիաների գլոբալ կենտրոն:

Հոդվածագիրը պատմել է նաև «Թումո» կրեատիվ տեխնոլոգիաների կենտրոնի գործունեության, ՏՏ ոլորտում երկրի ձեռքբերումների, հաջողված ստարտափների և ուսուցման առանձնահատկությունների մասին:-0-