Սենսացիոն գիտական բացահայտում. Նոյյան տապանը գտնվում է Արարատ լեռան վրա (ՎԻԴԵՈ)

ԵՐԵՎԱՆ, 28 դեկտեմբերի. /Նովոստի–Արմենիա/. Գիտնականների միջազգային խումբը սենսացիոն բացահայտում է արել, որը կարող է պարզել բիբլիական լեգենդի գաղտնիքները։

Գիտնականները պնդում են, որ Թուրքիայում` Արարատ լեռան գագաթին, պահպանվել են Նոյյան տապանի բեկորները։

Ինչպես հաղորդում է u-f.ru–ն, հետազոտական աշխատանքի համար հիմք է դարձել սառցակալած պլատֆորմի (եզրերին պատերի բեկորներով) լուսանկարի հրապարակումը, որը նման է մեծ փայտե նավի մնացորդների։ Գիտական սենսացիան բացահայտել են չինացի գիտական արշավախմբի անդամները։

Գիտնականները կատարել են գերաններից մեկի մի հատվածի ռադիո–ածխածնային անալիզ, որը ցույց է տվել, որ գտածոն մոտ 4800 տարեկան է, ինչը համընկնում է բիբլիական պատմության հետ։

Միջազգային գիտաժողովի ժամանակ գիտնականները հայտարարել են, որ նրանց այժմ արդեն հայտնի են Նոյյան տապանի գտնվելու վայրի հստակ կոորդինատները։ Մեծ գիտական արշավախումբ պատրաստվում է բարձրանալ Արարատ։

Սակայն ոչ բոլոր գիտնականներն են համաձայն Նոյյան տապանի մասին նման վարկածի հետ։ Ըստ Աստվածաշնչի, Նոյն իր տապանը կառուցել է փայտից։ Մասնագետների խոսքերով, անգամ ամենաամուր փայտը քայքայվում է հինգ տասնյակ տարվա ընթացքում, այդ պատճառով տապանը չէր կարող պահպանվել այդքան երկար ժամանակ։–0–