iPhone-ն այլևս չի գեղեցկացնի օգտատերերին

ԵՐԵՎԱՆ, 28 հոկտեմբերի․/Նովոստի-Արմենիա/․ Apple ընկերությունը հայտնում է, որ նոր iPhone-ներում չի լինի մաշկի հարթեցման գործառույթ։ Այն անջատված կլինի iOS 12-ի նոր տարբերակում, հայտնում է Life.ru-ն։

Ընկերությունն iOS 12-ի նոր տարբերակում կանջատի մաշկի բարելավման և կրճիռների հարթեցման հնարավորությունը։ Արտադրողը հայտարարել է, որ տեսախցիկի ալգորիթմները սխալմամբ նկարում էին երկար լուսնկրիչով, ինչի հաշվին օգտատերերի դիմագծերը հարթվում էին։ Խնդիրը վերաբերում էր iPhone XS, XS Max և XR-ի տեսախցիկներին։ Խնդիրը կհեռացվի iOS 12.1-ից։

Փորձագետները կարծում են, որ նման գործառույթը կարող է պատահականություն չլինել։ Դեմքի մաշկի հարթեցումն առկա է Android համակարգով աշխատող շատ սմարթֆոններում, քանի որ այն պահանջված է ասիական շուկայում։ Նշվում է, որ սեպտեմբերի վերջերից օգտատերերը սկսել են բողոքել արտասովոր գեղեցիկ նկարներից։-0-