ՈՒՇԱԴՐՈՒԹՅՈՒՆ ԶԼՄ–ներին. «Նովոստի–Արմենիա» մամուլի կենտրոնում կկայանա մամուլի ասուլիս Հայաստանի աշխատաշուկայի վերլուծության թեմայով

ԵՐԵՎԱՆ, 3 հոկտեմբերի. /Նովոստի–Արմենիա/. Չորեքշաբթի` հոկտեմբերի 4–ին, ժամը 11։00–ին «Նովոստի–Արմենիա» մամուլի կենտրոնում կկայանա մամուլի ասուլիս «Հայաստանի աշխատաշուկայի վիճակագրական վերլուծություն» թեմայով։

Վերլուծությունն իրականացվել է staff.am կարիերայի հարթակի կողմից վերջին մեկ տարվա ընթացքում հավաքագրված վիճակագրական տվյալների հիման վրա: Վերլուծության մեջ ընդգրկվել են հետևյալ թեմաները։ Այն ընդգրկում է հետևյալ թեմաները`թափուր աշխատատեղերի բաշխվածությունն ըստ մասնագիտական ոլորտների, կազմակերպության գործունեության ոլորտների և ՀՀ քաղաքների; վերլուծություն «Տեղեկատվական տեխնոլոգիաներ», «Ֆինանսներ, բանկ և ապահովագրություն», «Ներկրում, արտահանում և առևտուր» և «Տուրիզմ, հյուրընկալություն և ժամանց» ոլորտներում ամենապահանջված մասնագետների վերաբերյալ; «Տեղեկատվական տեխնոլոգիաներ», «Մարքեթինգ և հաղորդակցություն» և «Ֆինանսաբանկային» ոլորտի աշխատանքների բաշխվածությունն ըստ նեղ մասնագիտական ոլորտների; Համեմատական վերլուծություն գործատուների կողմից ամենապահանջված սոֆթ1 և մասնագիտական հմտությունների և աշխատանք փնտրողների մոտ առկա հմտությունների վերաբերյալ:

Մամուլի ասուլիսի ժամանակ staff.am-ի թիմը կներկայացնի նաև աշխատաշուկայի զարգացման միտումները, դրանում առկա բացերը, ինչպես նաև այն միջոցառումները, որոնք ձեռնարկվում են հարթակի կողմից ոլորտի զարգացման վերաբերյալ:

Ասուլիսի բանախոսներն են`

- տեխնիկական գիտությունների թեկնածու, Staff.am–ի համահիմնադիր Լուիզա Ավետիսյանը,

- Staff.am –ի համահիմնդաիր Վահե Ավետիսյանը։

«Նովոստի–Արմենիա» գործակալության հասցեն է`

Երևան, Փ. Բյուզանդի 1/3, 4–րդ հարկ։

Հեռախոսահամարներ` 52-82-02, 52-40-80։

Email: [email protected]

Համակարգող` Մարիամ Սարգսյան, (091) 11 10 30։ -0-