Հայ գիտնականները նշում են Յուրի Գագարինի` տիեզերք կատարած թռիչքի 50-ամյա հոբելյանը
ԵՐԵՎԱՆ, 7 ապրիլի. /Նովոստի-Արմենիա/. Ապրիլի 8-ին` ժամը 11:00-ին, ՀՀ Գիտությունների ազգային ակադեմիայի նախագահությունում տեղի կունենա հանդիպում ռուսական պատվիրակության հետ` նվիրված առաջին տիեզերագնաց Յուրի Գագարինի տիեզերք կատարած թռիչքի 50-ամյա հոբելյանին, տեղեկացնում են ՀՀ ԳԱԱ տեղեկատվական-վերլուծական կենտրոնից:
Պատվիրակությունը գլխավորում է տիեզերագնաց Միխայիլ Տյուրինը:
Հանդիպման ընթացքում կամփոփվեն հայ գիտնականների ունեցած փորձի արդյունքները, ինչպես նաեւ կքննարկվեն տիեզերական տարածության յուրացման հետագա համագործակցության ուղիները: ՀՀ ԳԱԱ նախագահ, ակադեմիկոս Ռադիկ Մարտիրոսյանը կներկայացնի ՀՀ ԳԱԱ Ռադիոֆիզիկայի եւ էլեկտրոնիկայի ինստիտուտի փորձը տիեզերական հետազոտությունների ծրագրերում:
Տիեզերական աղբի խնդրի լուծման ուղիները կներկայցնի ՀՀ ԳԱԱ Բյուրականի աստղաֆիզիկական աստղադիտարանի տնօրեն Հայկ Հարությունյանը: Վահե Գուրզադյանը կպատմի «Օրիոնե ուղեծրային համակարգի մշակման գործում հայ գիտնականների փորձի մասին: Ակադեմիկոս Էվրիկ Աֆրիկյանը կզեկուցի տիեզերական թռիչքներում միկրոբային դեգրադանտների եւ երկրագնդի մերձակա տարածությունների յուրացման մասին:
ՀՀ ԳԱԱ-ում հոբելյանական նստաշրջանը կշարունակվի ապրիլի 12-ին:--0-
