ՀՀ խորհրդարանը հինգշաբթի կընդունի Օմբուդսմենի հրաժարականը
ՀՀ խորհրդարանը հինգշաբթի կընդունի ՀՀ մարդու իրավունքների պաշտպան Արմեն Հարությունյանի հրաժարականը:
ՀՀ խորհրդարանը երկուշաբթի ի գիտություն է ընդունել ՀՀ օմբուդսմեն Արմեն Հարությունյանի հրաժարականի մասին դիմումը:
Ինչպես պարզաբանել է ՀՀ ԱԺ խոսնակ Հովիկ Աբրահամյանը՝ ՀՀ ԱԺ կանոնակարգի համաձայն՝ եթե դիմումը երեք օրվա ընթացքում գրավոր կարգով հետ չկանչվի, ապա այն կհամարվի ընդունված:
ՀՀ օմբուդսմենն իր դիմումը դեռ գրավոր կերպով հետ չի կանչել:
Արմեն Հարությունյանը դեռ փետրվարի 2-ին ՀՀ ազգային ժողով է ներկայացրել հրաժարականի մասին դիմումը այլ աշխատանքի անցնելու կապակցությամբ: Նա նաև համաձայնել է ստանձնել Կենտրոնական Ասիայում ՄԱԿ-ի մարդու իրավունքների գերագույն հանձնակատարի տարածաշրջանային ներկայացուցչի պաշտոնը:
Հարությունյանը ՀՀ մարդու իրավունքների պաշտպանի պաշտոնում աշխատել է հինգ տարի:-0-
