Ուրբաթ՝ հոկտեմբերի 21-ին, ժամը 13:00-ին «Նովոստի» միջազգային մամուլի կենտրոնում կկազմակերպվի Երևան-Մոսկվա-Կիև-Քիշնև-Աստանա տեսակամուրջ՝ «Ազատ առևտրի գոտի. Եվրասիական միություն տանող ճանապարհի առաջին քա՞յլը» թեմայով:
Հոկտեմբերի 18-ին Սանկտ Պետերբուրգում ԱՊՀ կառավարությունների ղեկավարների խորհրդի նիստի ժամանակ ստորագրվել է ԱՊՀ ազատ առևտրի գոտու մասին պայմանագիրը, որի աշխատանքները 10 տարի են տևել: Համաձայնագիրը ստորագրել են ԱՊՀ բոլոր երկրները, բացի Ադրբեջանից, Ուզբեկստանից և Թուրքմենստանից, բայց նրանք դեռ կարող են մինչև տարեվերջ միանալ դրան: Պայմանագիրը նախատեսում է ստորագրող երկրների միջև առևտրատնտեսական հարաբերությունների իրավական հիմքերի դյուրացում, կփոխվեն մի շարք բազմակողմ և շուրջ 100 երկկողմ փաստաթղթեր, որոնք այսօր ԱՊՀ-ի տարածքում կանոնակարգում են ազատ առևտրի ռեժիմը:
Ի՞նչ նշանակություն ունի այդ պայմանագիրը ԱՊՀ-ի ապագայի համար, ինչպե՞ս է այն գործելու և որո՞նք են հետխորհրդային տարածքում առավել խորը ինտեգրման հեռանկարները, այս թեմաները կքննարկեն բանավեճի մասնակիցները:
Երևանում՝
-տնտեսական գիտությունների դոկտոր, պրոֆեսոր Թաթուլ Մանասերյանը,
-ՀՀ էկոնոմիկայի նախարարության ներկայացուցիչ:
Մոսկվայում՝
-ԱՊՀ ֆինանսաբանկային խորհրդի գլխավոր տնօրեն Պավել Նեֆիդովը,
-ՌԳԱ էկոնոմիկայի ինստիտուտի փոխտնօրեն Սվետլանա Գլինկինան:
- հրավիրված է նաև Մաքսային միության ներկայացուցիչը:
Կիևում՝
-Ուկրաինայի էկոնոմիկայի փոխնախարար Վալերի Մունտիյանը,
Ուկրաինայի տնտեսական հետազոտությունների ինստիտուտի տնօրեն Իգոր Բուրակովսկին:
Քիշնևում՝
-Տնտեսության, բյուջեի և ֆինանսների խորհրդարանական հանձնաժողովի նախագահ Վյաչեսլավ Իոնիցեն,
-խորհրդարանի պատգամավոր, նախկին վարչապետ և էկոնոմիկայի նախկին նախարար Իգոր Դոդոնը:
Աստանայում՝
-Ղազախստանի էկոնոմիկայի նախարարության ներկայացուցիչը, փորձագետներ:
«Նովոստի-Արմենիա» գործակալության հասցեն է՝ Երևան, Վարդանանց 7:
Հեռախոսահամարներ հավատարմագրվելու համար՝ 52-83-92 (ներքին 108), 52-83-64 (ներքին 108), 56-72-10 (ներքին 108):
Գայանե Հովհաննիսյան, մենեջեր: Բջջային հեռախոս՝ (093) 25-12-19: --0-
