Պոմպեոն դատապարտել է Թուրքիայի գործողությունները Միջերկրական ծովում և աջակցել Հունաստանին

21:10

02 Նոյեմբերի 2020

ԵՐԵՎԱՆ, 2 նոյեմբերի./Նովոստի-Արմենիա/. ԱՄՆ պետքարտուղար Պոմպեոն նամակ է հղել Հունաստանի ԱԳ նախարար Նիկոս Դենդիասին՝ ամերիկյան աջակցություն հայտնելով Արևելյան Միջերկրական ծովում Հունաստանի դիրքորոշմանը և դատապարտելով Թուրքիայի գործողությունները: Այս մասին հայտնում է ՏԱՍՍ-ը ՝ հղում անելով Աթենքի Մակեդոնական լրատվական գործակալությանը (AMNA):

Загружается новость ... "Лево"

Դիվանագիտական աղբյուրների փոխանցմամբ, ԱՄՆ պետքարտուղարը պատասխան նամակն ուղարկել է Դենդիասի նամակից ընդամենը մի քանի օր անց, որում վերջինս մանրամասն նկարագրել է Թուրքիայի վերջին ապօրինի և սադրիչ գործողությունները:

Նամակում Պոմպեոն ընդգծել է, որ «Հունաստանը հանդիսանում է տարածաշրջանում կայունության հիմնասյունը» և նշել, որ «ԱՄՆ-ն դատապարտում է» թուրքական շարունակվող հետախուզումը Հունաստանի իրավասության ենթակա տարածքներում (համաձայն ՄԱԿ-ի «ծովային օրենքի մասին» կոնվենցիայի, Հունաստանը իրավունք ունի ընդլայնել իր տարածքային ջրերը մինչև 12 ծովային մղոն – խմբգր. ՏԱՍՍ):

ԱՄՆ պետքարտուղարը հավելել է, որ այդ միակողմանի գործողությունները հանգեցնում են մայն տարածաշրջանում լարվածության մեծացմանը և ընդգծել, որ սպառնալքները, վախեցնելու փորձերն ու պարտադրանքները, ինչպես նաև ռազմական գործողությունները չեն վերացնի լարվածությունը Արևելյան Միջերկրական ծովում, հաղորդում են աղբյուրները:

ԱՄՆ պետքարտուղարի նամակը գոհունակությամբ ընդունվել է Հունաստանի ԱԳՆ-ի կողմից, քանի որ այն հանդիսանում է Հունաստանի դիրքորոշումների օրինականության հերթական հաստատումը, հայտնում են դիվանագիտական աղբյուրները: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Պոմպեո #ԱՄՆ #Հունաստան #Թուրքիա

Թեմատիկ նյութեր