ԵՐԵՎԱՆ, 23 հոկտեմբերի. /Նովոստի–Արմենիա/. «Ելք» խորհրդարանական խմբակցությունն առաջադրեց Նիկոլ Փաշինյանի թեկնածությունը Հայաստանի վարչապետի պաշտոնում, երեքշաբթի խորհրդարանում ասաց խմբակցության ղեկավար Լենա Նազարյանը։
«Մենք առաջադրեցինք վարչապետի պաշտոնակատար Նիկոլ Փաշինյանի թեկնածությունը։ Ինչպես արդեն նշել ենք, առաջադրումը, բնականաբար, ֆորմալ բնույթ է կրում և ուղղված է Սահմանադրությամբ նախատեսված ընթացակարգերի լիարժեք ապահովմանը»,– ասաց նա։
Նազարյանը կոչ արեց պատգամավորներին չընտրել վարչապետ` Ազգային ժողովի արձակման պայմաններն ապահովելու համար։
Սահմանադրության համաձայն, կառավարության ղեկավարի հրաժարականից հետո յոթերերդ օրն ավարտվում է վարչապետի պաշտոնի թեկնածուների առաջադրման ժամկետը։ Հաշվի առնելով, որ Փաշինյանն այդ պաշտոնից հրաժարական է տվել հոկտեմբերի 16–ին, թեկնածուների առաջադրման ժամկետն ավարտվում է հոկտեմբերի 23–ին, իսկ ԱԺ հատուկ նիստը պետք է նշանակվի հոկտեմբերի 24–ին։
Загружается новость ...
"Право"
Վարչապետ չընտրելու դեպքում քվեարկությունից յոթ օր անց տեղի են ունենում վարչապետի նոր ընտրություններ, որոնց մասնակցության իրավունք ունեն պատգամավորների ընդհանուր թվի առնվազն մեկ երրորդի կողմից առաջադրված թեկնածուները։ Եթե վարչապետ չի ընտրվում պատըշգամավորների ընդհանուր թվի ձայների մեծամասնությամբ, ապա Ազգային ժողովն արձակվում է իրավունքի ուժով։
Հայաստանի վարչապետ Նիկոլ Փաշինյանը հրաժարական տվեց հոկտեմբերի 16–ին` խորհրդարանի արձակման և արտահերթ խորհրդարանական ընտրությունների անցկացման համար։ Նույն օրը Հայաստանի նախագահ Արմեն Սարգսյանն ընդունեց կառավարության հրաժարականը։ Ծրագրվում է, որ արտահերթ խորհրդարանական ընտրությունները կկայանան դեկտեմբերի կեսին։ -0-