ՀՀ վարչապետը ցավակցություն է հայտնել Ղրղզստանում տեղի ունեցած երկրաշարժի զոհերի հարազատներին
07.10.2008,
12:03
ՀՀ վարչապետը ցավակցություն է հայտնել Ղրղզստանում տեղի ունեցած երկրաշարժի զոհերի հարազատներին
ՀՀ վարչապետ Տիգրան Սարգսյանը ցավակցական հեռագիր է հղել Ղրղզստանի հանրապետության վարչապետ Իգոր Չուդինովին՝ հանրապետությունում տեղի ունեցած երկրաշարժի կապակցությամբ, երեքշաբթի տեղեկացրեցին ՀՀ կառավարության տեղեկատվության և հասարակայնության հետ կապերի վարչությունից։
«Հարգելի Իգոր Վիտալևիչ, ՀՀ կառավարության և անձամբ իմ անունից խոր ցավակցություն եմ հայտնում Ղրղզստանի հանրապետությունում տեղի ունեցած երկրաշարժի կապակցությամբ, որի հետևանքով տասնյակ մարդիկ են զոհվել: Խորապես վշտացած լինելով կատարվածի կապակցությամբ՝ խնդրում եմ մեր ցավակցությունն ու զորակցությունը փոխանցել զոհվածների հարազատներին ու մտերիմներին»,- մեջբերեցին վարչապետի խոսքերը «Նովոստի-Արմենիա» գործակալությանը։-0-
Պատճենել հղումը
