ՀՀ մշակույթի նախարարությունն ընթերցանության տարածման ազգային ծրագիր է մշակում
ՀՀ մշակույթի նախարարությունը կրթական հաստատություններում ընթերցանության տարածման ազգային ծրագիր է մշակում, ասաց ՀՀ մշակույթի նախարար Հասմիկ Պողոսյանը՝ «Նովոստի-Արմենիա» գործակալությանը տված հարցազրույցում։
«Ծրագիրը կընդգրկի երեխաների կրթության տարբեր շրջաններ՝ սկսած մանկապարտեզներից և դպրոցներից և վերջացրած բուհերով», - ասաց Պողոսյանը։
Նրա կարծիքով, այդ ծրագիրը պետք է կիրառվի կրթական հաստատություններում՝ քաղաքացիական դաստիարակությանը զուգահեռ։
Նախարարն ավելացրեց, որ ծրագրի մշակմանը մասնակցում է նաև Կրթության և գիտության նախարարությունը, ինչպես նաև Հայաստանի գրողների միությունը։
«Ծրագրի նախապատրաստական փուլը կներդրվի կրթական համակարգ 2009 թ.-ին։ Դպրոցական ծրագրին համապատասխան՝ կմշակվեն և կհրատարակվեն հատուկ գրքեր», - ավելացրեց նա։
Այս առնչությամբ նախարարն ընդգծեց կրթական ծրագրերի մեջ փոփոխություններ մտցնելու անհրաժեշտությունը։ «Կրթական գործընթացը սխալ ուղիով է ընթանում, աշակերտներին հետաքրքիր չէ, նրանք չեն հասցնում ամեն ինչ ընկալել», - եզրափակեց Պողոսյանը։
Ընթերցանության տարածման ազգային ծրագիրը կներդրվի 2010 թ.-ին։
Հայաստանում գործում են շուրջ 1,5 հազ. հանրակրթական դպրոցներ, որտեղ կրթություն է ստանում շուրջ 480 հազ. երեխա։-0-
