Լեռնային-Ղարաբաղի Հայաստանին միանալու հարցի քննարկումը ժամանակավրեպ է . ՀՀ վարչապետ
Լեռնային-Ղարաբաղի Հայաստանին միանալու հարցի քննարկումը ժամանակավրեպ է, կարծում է վարչապետ Սերժ Սարգսյանը։
Ինչպես չորեքշաբթի Ս. Սարգսյանը հայտարարեց խորհրդարանական լրագրողներին, Հայաստանի ղեկավարությունը քանիցս խոսել է այն մասին, որ չի բացառում Լեռնային-Ղարաբաղի հիմնահարցի տարբեր լուծումները։
«Մենք ոչ միայն չենք բացառում երբևէ ԼՂՀ անկախության ճանաչումը, այլ նաև Լեռնային-Ղարաբաղի հետ միավորումը։ Պարզապես կոնկրետ այս պահին նման քայլը համարում եմ ժամանակավրեպ և մեզ համար վտանգավոր»,-ասաց նա։
Վերջին շրջանում Հայաստանի խորհրդարանում ղարաբաղյան հակամարտության կարգավորման վերաբերյալ քննարկումներ են տեղի ունենում։
Մասնավորաբար, «Ժառանգություն» ընդդիմադիր խորհրդարանական խմբակցության ղեկավար Րաֆֆի Հովհաննիսյանը օգոստոսի 28-ին Հայաստանի Ազգային Ժողովի աննարկմանն էր ներկայացրել «Լեռնային Ղարաբաղի Հանրապետության ճանաչման մասին» օրինագիծը։
Իսկ ՀՅԴ-ն մտադիր է հանդես գալ Հայաստանի և Լեռնային Ղարաբաղի միավորման մասին առաջարկով։ --0--
